Իշխանափոխությունից հետո կիմանանք, թե ինչն ու ինչ չափով են թալանվել Նիկոլ Փաշինյանի օրոք. Տեսանյութ

Պարոն Մանուկյանն իր հարցազրույցներից մեկում քմծիղաղով առաջարկեց նախագահ Քոչարյանին տալ Նոբելյան մրցանակ: Ես կառաջարկեի, որ երաժիշտ, պատգամավորը առաջին հերթին մտածի այն մասին, թե ինչ կստանա իր թիմի ղեկավարն իշխանափոխությունից հետո՝ Նոբելյան մրցանակ թե՞ «տոմս դեպի Սիբիր»: Պարոն Մանուկյանը նախ կարող էր կարդալ մի քանի գիրք, տնտեսական վերլուծություններ, իսկ հետո արդեն իրեն թույլ տալ ինչ-որ բան ասել այն առարկայի մասին, որն իր համար հասու չէ: Եթե նա կարդար, այլ ոչ թե պարզապես երգեր մեկ այլ ծաղրողի հետ, նա կիմանար, որ Քոչարյանը ոտքի կանգնեցրեց մեռած տնտեսությունը և այն մեծացրեց 8 անգամ: Իսկ Մանուկյանը չի՞ ուզում մեզ ասել, թե ինչպես է իր ղեկավարը պատրաստվում «տնտեսական հեղափոխություն» իրականացնել:

Ինչ վերաբերում է նրան, որ ինչ-որ բան թալանվել է ... Իշխանափոխությունից հետո կիմանանք, թե ինչն ու ինչ չափով են թալանվել Նիկոլ Փաշինյանի օրոք, եւ համոզված եմ, որ պարոն Մանուկյանն ինքը ցնցվելու է իր լսածից: Իշխանությունը դեռ չի փոխվել, բայց տեղեկանում ենք, որ 250 միլիոն դրամ «լափել» են միայն կառավարության դաչայի վերանորոգման ժամանակ: Պատկերացնո՞ւմ եք, թե ինչ հայտնագործություններ են մեզ սպասում իշխանափոխությունից հետո: Հատկապես, երբ հաշվի եք առնում այն փաստը, որ Նիկոլի ղեկավարության շրջանում մեկ անձից պետական գնումներն աճել են ավելի քան 70% -ով, իսկ դա բոլոր միջազգային ստանդարտներով պետական կոռուպցիայի կարևորագույն մասերից մեկն է:

Այո, երգիչ, պատգամավոր, մորուքավոր Մանուկյանի կատարած երգը մարգարեական էր, և մենք բոլորս ք*աքի մեջ ենք իրենց իշխանության օրոք, բայց դա շուտով կավարտվի...