Այդ «կատարողները» պետք է պատասխան տան, պատասխանն էլ ցուցադրական, ուսանելի ու խիստ դաժան պետք է լինի

Բազմաթիվ անգամ արտահայտվել եմ այն ոգով, որ հաջորդ իշխանափոխությունից հետո պետք է բացառել հետապնդումները, որոնք հնարավոր է ունենան քաղաքական երանգ։ Համոզված եմ, որ հաջորդ իշխանությունը լինելու է ազգային, պետականամետ ու լինելու է բավականաչափ ուժեղ, որ իրեն այդ «շռայլությունը» թույլ տա։ Մի օր մենք պետք է սպիտակ գիծը քաշենք, քաղաքական պայքարում հետապնդումներից զերծ մնանք ու կարողանանք ներել...

Բայց ես անձամբ եմ հետամուտ լինելու մինչև վերջ, որ այսօր ապօրինի հրահանգներ կատարող «գործիքները» պատասխանատվության ենթարկվեն։

Ասածս կապ չունի այն ամենի հետ, ինչ ես հիմա ամեն օր տեսնում եմ, կապ չունի այդ աղաղակող ապօրինությունների հետ, որոնց բախվում եմ, կապ չունի այն «դավանափոխ» կենդանիների հետ, ում վայրագություններին ամեն օր բախվում եմ, առավել ևս բացարձակ կապ չունի վրեժի հետ, այդ տարիքից ու գիտակցությունից դուրս եմ վաղուց։

Պարզապես հասկացել եմ մի բան` այդ «կատարողները» պետք է պատասխան տան, պատասխանն էլ ցուցադրական, ուսանելի ու խիստ դաժան պետք է լինի, որպեսզի մենք կարողանանք ապագայում այլևս ձերբազատվենք պատվեր կատարող, իշխանությանը հաճոյացող «գեղցի», անգիտակից գործիքներից։

Երվանդ Վարոսյանի ֆեյսբուքյան էջից