Հայտնի է Նավալնու հիվանդության դիագնոզը. նրա կինը պահանջում է Պուտինից, որպեսզի իրեն թույլ տան տեղափոխել ամուսնուն Գերմանիա՝ բուժման. Տեսանյութ, լուսանկար

Ռուսաստանցի ընդդիմադիր գործիչ Ալեքսեյ Նավալնիի կինը, որը ներկայումս ծանր վիճակում գտնվում է Օմսկի հիվանդանոցում, դիմել է ՌԴ նախագահ Վլադիմիր Պուտինին:

«Ես գտնում եմ, որ Ա. Նավալնիին անհրաժեշտ է մասնագիտական բուժօգնություն Գերմանիայում... Պաշտոնապես դիմում եմ Ձեզ պահանջով թույլ տալ տեղափոխել նրան Գերմանիա», - ասվում է Յուլիա Նավալնիի դիմումում:

Ավելի վաղ Օմսկի շտապ օգնության № 1 հիվանդանոցի գլխավոր բժիշկ Ալեքսանդր Մուրախովսկին հայտնել էր, որ Նավալնու մոտ ախտորոշվել է նյութափոխանակության խանգարում:

«Այսօրվա դրությամբ ունենք աշխատանքային ախտորոշումներ: Հիմնականը՝ ածխածնային հավասարակշռության խախտում՝ նյութափոխանակության խախտում», - ասաց Մուրախովսկին:

Հիշեցնենք՝ Ալեքսեյ Նավալնին իրեն վատ է զգացել Օմսկ-Մոսկվա չվերթի ժամանակ:

Ըստ Մուրախովսկիի, թռիչքի ժամանակ Նավալնու մոտ արյան մեջ շաքարի մակարդակի կտրուկ անկում է գրանցվե, ինչն էլ հանգեցրել է գիտակցության կորուստի:

Մեկնաբանելով «թույնի» մասին տեղեկատվությունը, բժիշկը նշել է, որ խոսքը գնում է «քիմիական բաղադրիչի մասին, որն առկա է եղել պլաստիկ բաժակների մեջ, որից մենք խմում ենք»: Այդ բաղադրիչը գտնվել է ոչ թե նրա արյան մեջ, այլ վերցվել է նրա մարմնից և հագուստից:

Բժիշկը նաև նշել է, որ դեռ վաղ է տեղափոխել Նավալնուն, դա կարող է վտանգավոր լինել նրա առողջության համար:

Zham.am