Ըստ ֆրանսիական «Le Monde»-ի Մոկսկվան Բելառուսում կարող է կիրառել ճգնաժամից դուրս գալու «հայկական» տարբերակը

Այսօրվա ֆրանսիական «Le Monde» պարբերականը անդրադարձել է Բելարուսում առկա քաղաքական ճգնաժամին: Ըստ այս ֆրանսիական պարբերականի, այդ երկրում ստեղծված ճգնաժամը հատկապես վատ վիճակի մեջ է գցել Մոսկվային: Ակնհայտ է, որ բելառուսցիները մերժում են նախագահ Ալեքսանդր Լուկաշենկոյին, նշում է պարբերականը, մինչդեռ վերջինս ակնկալում է Պուտինի աջակցությունը: Մոսկվայում հասկանում են, որ աջակցելով Լուկաշենկոյին կկորցնեն վերջնականապես բելառուսցիների դրական վերաբերմունքը Ռուսաստանի հանդեպ: Մանավանդ, որ այս օրերին, երբ բողոքավորներին ակտիվորեն աջակցում են Արևմուտքում, Մոսկվան իր կրավորական կեցվածքով առնվազն կարող է կորցնել իր դիրքային առավելությունը բելառուսցիների շրջանում:

Մյուս կողմից, Մոսկվայում անհագստացած են, որ բողոքավորների գաղափարական շարժիչը արևմտամետ փաթեթավորում ունի: Օրինակ, Լուկաշենկոյի հիմնական ընդիմախոսը՝ Սվետլանա Տիխոնովսկայան, հեռացավ երկրից դեպի Լիտվա և ոչ Մոսկվա, ինչը խիստ վատ մեսիջ է ռուսների համար: Մյուս կողմից Լուկաշենկոյի շատ ռուսամետ ընդdիմադիրներ ժամանակին որևէ աջակցություն չեն ստացել Մոսկվայի կողմից: Եվ դա այն դեպքում, նշում է ֆրանսիական պարբերականը, երբ ինքը Լուկաշենկոն միշտ չէ, որ վարել է ռուսամետ քաղաքականություն:

Վերջում ֆրանսիական պարբերականը այն եզրահանգմանն է գալիս, որ Մոսկվան ստեղծված իրավիճակից կարող է դուրս գալ, կիրառելով, այսպես կոչված, ճգնաժամի հաղթահարման, «հայկական» տարբերակը, երբ փորձ անի ծածուկ կերպով համագործակցի բողոքավորներից այն շրջանակների հետ, որոնք կխոստանան, որ իշխանության գալուց հետո, երկրի աշխարաքաղաքական ուղու փոփոխության խնդիր չեն դնի:

Zham.am