Եվրախորհրդարանի պատգամավորները Լուկաշենկոյին պերսոնա նոն գրատա են հայտարարել

Եվրախորհրդարանի պատգամավորները չեն ճանաչում Բելառուսում տեղի ունեցած նախագահական ընտրությունների արդյունքներն ու Ալեքսանդր Լուկաշենկոյին պերսոնա նոն գրատա են համարում: Այս մասին ասվում է Եվրախորհրդարանի կուսակցությունների համատեղ հայտարարության մեջ, հաղորդում է Rusvesna.su-ն:

«Օգոստոսի 9-ին Բելառուսում տեղի ունեցած նախագահական ընտրություններն արդար չեն եղել, եւ հավաստի հաղորդագրությունները վկայում են Սվետլանա Տիխանովսկայայի հաղթանակի մասին: Այդ պատճառով մենք չենք ճանաչում Լուկաշենկոյի վերընտրումը և նրան Եվրամիությունում պերսոնա նոն գրատա ենք համարում: Մենք միանում ենք Բելառուսի ժողովրդին, որը պաշտպանում է իր իրավունքները»,-ասվում է հայտարարության մեջ:   

ԵԽ պատգամավորները «կոշտ դատապարտել են ձերբակալությունները և բռնության ու կտտանքների սարսափելի գործողությունները խաղաղ ցուցարարների դեմ» և կոչ են արել քննել այդ հանցագործությունները:

«Մենք կոչ ենք անում որքան հնարավոր է շուտ պատժամիջոցների ցանկ կազմել, որպեսզի մարդիկ, որոնք կատարել են այդ հանցագործությունները (բռնություն և ընտրությունների կեղծում), արգելվի այցելել ԵՄ, իսկ նրանց ակտիվները սառեցվեն», - նշվում է հայտարարությունում:

Zham.am