Մարդկանց ծեծելը միութենական երկրում անընդունելի է. ՌԴ Պետդումայի հանձնաժողովի նախագահ Գավրիլով

Անդրադառնալով Բելառուսում ընթացող գործնթացներին Ռուսաստանի Պետդումայի քաղաքացիական և կրոնական հարցերով հանձնաժողովի նախագահ Սերգեյ Գավրիլովը նշել է, որ այդ երկրում ժողովորդը ըմբոստացել է երկրի ղեկավարի դեմ, քանզի չի ցանկացել հանդուրժել այն անարդարությունները, որոնք կատարվել էին այդ երկրում ընտրությունների ընթացքում: Շարունակելով իր միտքը, Գավրիլովը նշել է, որ հատկապես բելառուսցիներին հունից հանել է, թե ինչպես են այդ երկրի ուժայինները հաշվեհարդար տեսել անմեղ մարդկանց նկատմամբ:

Գավրիլովի կարծիքով Բելառուսը Ռուսաստանի հետ միութենական պետության ստեղծման մասին պայմանագիր է կնքել, իսկ այդ միությունում անընդունելի է, որ մարդկանց հանդեպ նման ձևով վարվեն:

Պատասխանելով այն հարցին, թե ինչպե՞ս է կարելի դուրս գալ այս իրավիճակից, Գավրիլովը նշել է, որ «պետք է լսել մարդկանց կարծիքը և դրա հիման վրա լուծումներ գտնել»: Ինչ վերաբերվում է Արևմուտքի դերի մասին բողոքի ցույցերում, Գավրիլովը նշել է, որ Բելառուսում երկար տարիներ Լուկաշենկոն հատկապես հետապնդել է ռուսամետ ուժերին: Մինչդեռ արևմտամետ շրջանակները, ավելի ազատ էին կարողանում գործել, քանի որ նրանց համար Արևմուտքը Լուկաշենկոյից հաշիվ էր պահանջում:

Այդ իսկ պատճառով էլ այսօր Բելառուսում ավելի ակտիվ են արևմտամետ ուժերը:

Գավրիլովը խուսափեց պատասխանել այն հարցին, թե պետք են արդյոք երկրին նոր ընտրություններ, նշելով միայն, որ բողոքավոր ժողդովրդի կարծիքին դեմ գնալ չի կարելի:

Zham.am