Լուկաշենկո․ Ռուսաստանը առաջին իսկ խնդրանքի դեպքում Բելառուսին օգնություն կցուցաբերի անվտանգությունն ապահովելու հարցում

Բելառուսի նախագահ Ալեքսանդր Լուկաշենկոն հայտարարել է, որ առաջին իսկ խնդրանքի դեպքում Ռուսաստանը օգնություն կցուցաբերի իր երկրին անվտանգությունն ապահովելու հարցում, հայտնում է ԲԵԼՏԱ-ն։

Լուկաշենկոյի խոսքերով՝ համապատասխան պայմանավորվածությունը ձեռք է բերվել շաբաթ օրը իր ռուս գործընկեր Վլադիմիր Պուտինի հետ հեռախոսազրույցի ընթացքում: «Պայմանավորվեցինք, որ մեր առաջին իսկ խնդրանքի դեպքում կտրամադրվի համակողմանի օգնություն՝ Բելառուսի Հանրապետության անվտանգությունն ապահովելու համար»,- ասել է նա:

«Երբ խոսքը վերաբերում է ռազմական բաղադրիչին, մենք Ռուսաստանի Դաշնության հետ պայմանագիր ունենք՝ Միութենական պետության եւ ՀԱՊԿ շրջանակներում»,- պարզաբանել է Բելառուսի նախագահը: «Հենց այս պահերը համապատասխանում են այդ պայմանագրին: Հետեւաբար այսօր ես Ռուսաստանի նախագահի հետ երկար, մանրամասն զրույց եմ ունեցել իրավիճակի մասին: Պետք է ասեմ, որ ինձ նույնիսկ փոքր-ինչ զարմացրեց՝ բացարձակ տեղեկացված է այն ամենին, ինչ կատարվում է»,- նշել է Լուկաշենկոն:

Աղբյուր՝ NEWS.am