Իրավիճակը Բելառուսում «բարիկադներից» այս ու այն կողմ. իշխանությունների ու հասարակության տեսակետը. Տեսանյութ

Բելառուսի ՆԳՆ-ն և Քննչական կոմիտեն հաղորդագրություն են տարածել բերման ենթարկվածների մասին ցույցերի 

«Ներքին գործերի նախարարության կողմից ձեռնարկվում են անհրաժեշտ միջոցառումներ իրավակարգի պահպաանման և երկրում հանրային անվտանգության ապահովման գործում: Չարտոնված զանգվածային հավաքներին մասնակցելու համար մոտ 700 մարդ է բերման ենթարկվել», - հաղորդում է Բելառուսի Ներքին գործերի նախարարության մամուլի ծառայությունը:

ՆԳՆ-ում հայտնում են նաև «ագրեսիայի պահպանվող բարձր մակարդակի» մասին իրավաապահների նկատմամբ: Մինսկում ու Բարանովիչի քաղաքներում իրականացվել են կանխամտածված վրաերթեր ճանապարհային ոստիկանության աշխատակիցների նկատմամբ, ոստիկանությունը ստիպված էր զենք կիրառել: 

«Քաղաքացիների հակաօրինական գործողությունների արդյունքում օգոստոսի 9-13-ը 103 իրավապահ է տուժել, որոնցից 28-ը՝ հոսպիտալացվել են», - հավելեցին ՆԳՆ-ում:

Բելառուսի Քննչական կոմիտեն էլ դիմել է երկրի քաղաքացիներին խնդրանքով «օգնություն ցուցաբերել զանգվածային անկարգությունների մասնակիցների համակարգողներին գտնելու համար»:

Մինչ իրավապահները փորձում են գտնել ու պատասխանատվության ենթարկել զանգվածային անկարգություններ հրահրողներին, Բելառուսի մայրաքաղաք Մինսկում երրորդ օրն է ինչ շարունակվում են քաղաքացիների բողոքի ցույցերը: 

Այս ժամերին Մինսկում ցուցարարների շարասյունները շրջում են քաղաքի փողոցներով: Քաղաքացիների բազմամարդ խմբերը հավաքվում են կառավարության, խորհրդարանի ներկայացուցիչների պալատի և երկրի ԿԸՀ շենքերի դիմաց:

Հավաքները խաղաղ են անցնում, ոստիկանությունը չի խոչընդոտում մարդկանց տեղաշարժը:

Փողոց դուրս եկածներից շատերը «համերաշխության շղթաներ են» ձևավորում:

Zham.am