Իշխանական պատգամավորը խոչընդոտել է սփյուռքահայ ներդրողի գործունեությանը, հրահրել անկարգություններ. Տեսանյութ

ԱԺ իշխանական պատգամավոր Ռուստամ Բաքոյանը հրահրել է անկարգություններ, խոչընդոտել սիրիահայ ներդրողի գործունեությանը։ Այսօր նման հայտարարությամբ է հանդես եկել փաստաբան Տիգրան Հայրապետյանը։

Նրա փոխանցմամբ՝ ներդրող Արա Տագեսյանը երկու տարի առաջ՝ 2018թ, որոշել է Հայաստանում իր բիզնեսն սկսել, զբաղվել գյուղատնտեսությամբ, գնել է հողատարածքներ, սակայն խոչընդոտների է հանդիպել իշխանական պատգամավոր Ռուստամ Բաքոյանի կողմից։

Մասնավորապես՝ կազմակերպել, հրահրել է զանգվածային անկարգություններ, ինչի վերաբերյալ հանցագործության մասին հաղորդում է ներկայացվել և օրեր առաջ դատարանը բավարարեց բողոքը։ Նրա խոսքով, թեև մինչ այդ քրեական գործ է հարուցվել, սակայն վարույթն իրականացնող մարմինը ոչինչ չէին ձեռնարկում, իսկ դատարանը գտավ, որ պատգամավորի կողմից խախտվել են Տագեսյանի իրավունքները։

Տագեսյանն էլ պատմեց, որ միշտ ցանկացել են Հայաստանի հետ լավ կապեր ունենալ և վեց տարի առաջ, երբ Հայաստան էին եկել, որոշել էին Հայաստանում բնակարան ձեռք բերել, իսկ ՀՀ-ում բիզնեսով զբաղվելու ցանկությունն առաջացել է հեղափոխությունից հետո, քանի որ մինչ այդ կարծում էին, որ Հայաստանում գործ դնելը դժվար է։ Նա պատմեց, որ հեղափոխության ընթացքում սփյուռքահայերի շրջանում մեծ խանդավառություն է եղել և ցանկություն են ունեցել գործ դնելու։ Նրա խոսքով՝ «List.am» կայքի միջոցով տեսել են, որ կա վաճառքի ենթակա հողատարածք, իսկ փաստաբանը՝ հանգամանքները ստուգելուց հետո հայտնել է, որ ամեն ինչ նորմալ է։

Աղբյուրը` Pastinfo.am