Կառավարության դիմաց ՌԴ մեկնել ցանկացողներից մի քանիսը ներսում հանդիպում են կառավարության ներկայացուցչի հետ. ակցիան՝ ուղիղ

Այո, Ռուսաստանը հայտարարել է, որ ամսի 11-ից սահմանները բաց են, և կարող ենք գնալ: Վարչապետն ասում է, թե ճգնաժամ է, հասկացանք, թող գնանք, աշխատենք, ուղարկենք, որ դուրս գանք ճգնաժամից, դրա համար չեք պայքարո՞ւմ: Այս մասին այսօր լրագրողների հետ զրույցում ասաց Կառավարության դիմաց հավաքված ակցիայի մասնակիցներից մեկը, որոնք բողոքում են փակ սահմանների դեմ։

Նշենք, որ նրանք պահանջում են հանդիպում կամ փոխվարչապետ Տիգրան Ավինյանի կամ վարչապետ Նիկոլ Փաշինյանի հետ։

«Մեր վերջը ի՞նչ է լինելու: Աթոռի կռի՞վ էր, ես անկուսակցական եմ, բայց ինչի՞ մենք պայքարեցինք մեր վարչապետի համար, որ այսպես անի, կոտորի ժողովրդին: Նախարարներդ մեկ միլիոն ու կես փող են ստանում, բայց ես վեց ամիս է` փող չեմ ստացել, ասում են՝ բանկերը կներեն, ի՞նչը կներեն: Մենք պայքարեցինք, ինձ էլ ծեծեցին, ասացինք՝ արի, փոխի երկիրը, ոչ թե արի, նախարարներին կողքդ նստեցրու ու ամեն մեկին միլիոններ բաժանի: Ես իմ ձայնը տվել եմ վարչապետին ու փոշմանել եմ ու ինձ նման հազարավոր քաղաքացիներ կան, որ փոշմանել են»,- ասաց նա:

Ըստ նրա՝ Կառավարությունը գնում է նրան, որ քաղաքացիները հրաժարվեն Հայաստանում ապրելուց: Հիմա սպասում են, որ Կառավարության ներկայացուցիչ գա, լսի իրենց, որ հասկանան հետագա անելիքները: «Ուզում ենք՝ ճանապարհը բացեն, գնանք, աշխատենք, այդքան բան»:

Մանրամասները՝ Tert.am-ի տեսանյութում