Բելառուսի ՆԳՆ-ն հայտարարել է Մինսկում ցույցերի կազմակերպիչների ձերբակալման մասին. ոստիկանության տվյալներով՝ ցուցարարներին վճարում են ակցիաներին մասնակցելու համար
Բելառուսի ներքին գործերի նախարարությունը տեղեկացրել է Մինսկում «զանգվածային անկարգությունների կազմակերպիչների» ձերբակալման մասին: Այս մասին գրում է meduza.io կայքը, փոխանցում է Tert.am-ը:
Ձերբակալվածներից մեկը Մինսկի բնակիչ է, որը «Բելառուս» հյուրանոցի 17-րդ հարկում սենյակ էր վարձել և այնտեղից համակարգում էր բողոքի ակցիաները:
Ըստ տվյալների` նա ղեկավարում էր 3 անձանց գործողությունները, որոնք, իրենց հերթին, ղեկավարում էին հարյուրավորներին:
Օգոստոսի 12-ի առավոտյան ՆԳՆ-ն հայտարարել է նաև «անկարգությունների մասնակիցներին վճարող» անձի ձերբակալման մասին:
«Տղամարդու պայուսակում հայտնաբերվել է ավելի քան 10 000 դոլար գումար, որը նախատեսված էր զանգվածային անկարգության մասնակիցներին վճարելու համար»,-ասված է ՆԳՆ հայտարարության մեջ:
Ձերբակալության ժամանակ տղամարդն ակտիվ դիմադրություն է ցույց տվել ՆԳՆ աշխատակիցներին` կոտրելով նրանցից մեկի քիթը: ՆԳՆ տվյալների համաձայն` նա ավելի վաղ բազմիցս վարչական պատասխանատվության է ենթարկվել և դատվել է հոգեմետ միջոցներ պահելու համար:
Հետևեք մեզ Facebook-ում