«Աղջիկս պատվաստվել է». Պուտինը հայտնել է ՌԴ-ում կորոնավիրուսի դեմ պատվաստանյութի առաջին գրանցման մասին

ՌԴ-ի նախագահ Վլադիմիր Պուտինը, բացելով կառավարության անդամների հետ խորհրդացությունը, հայտնել Է Ռուսաստանում կորոնավիրուսային վարակի դեմ աշխարհում առաջին պատվաստանյութի գրանցման մասին, տեղեկացնում Է «Rusnext.ru»-ը:

«Որքան ինձ հայտնի Է, այսօր առավոտյան աշխարհում առաջին անգամ գրանցվել Է նոր կորոնավիրուսային վարակի դեմ պատվաստանյութ»,- ասել Է նախագահը:

Պուտինը պատմել է նաև, որ կորոնավիրուսի դեմ նոր պատվաստանյութը փորձարկել է նրա դուստրերից մեկը:

«Այդ պատվաստանյութը ձևավորում է կայուն հակամարմնային իմունիտետ: Ես դա հաստատ շատ լավ գիտեմ, որովհետև իմ դուստրերից մեկը նման պատվաստում է արել: Այս առումով նա մասնակցել է փորձարկմանը: Առաջին պատվաստումից հետո նրա ջերմությունը 38 աստիճան էր, հաջորդ օրը՝ 37,5 ու վերջ: Երկրորդ պատվաաստումից հետո ջերմությունը փոքր ինչ բարձրացավ, այնուհետև անցավ: Իրեն լավ է զգում: Գիտեմ, որ շատ մարդկանց մոտ ընդհանրապես ոչ մի կողմնակի ազդեցություն չունեն: Ամեն բան անցնում է այնպես, կարծես ոչինչ էլ չի եղել», - պարզաբանեց Պուտինը:

Պուտինը հուսով Է, որ ժամանակի ընթացքում աշխարհում կորոնավիրուսի դեմ շատ պատվաստանյութեր կհայտնվեն։

Zham.am