Սերժ Սարգսյանի և մյուսների գործով դատական նիստը հետաձգվեց. Տեսանյութ

Երևանի ընդհանուր իրավասության դատարանի Ավան և Նոր Նորք նստավայրում տեղի է ունենում ՀՀ երրորդ նախագահ Սերժ Սարգսյանի գործով դատական նիստը։

Գործով մեղադրյալներ են նաև նախկին գյուղնախարար Սերգո Կարապետյանն ու «Ֆլեշ» ընկերության սեփականատեր Բարսեղ Բեգլարյանը, Գյուղնախարարության նախկին պաշտոնյա Գևորգ Հարությունյանը։

Դատական գործը քննում է Երևանի առաջին ատյանի ընդհանուր իրավասության դատարանի դատավոր Վահե Միսակյանը։

Սերժ Սարգսյանի նկատմամբ խափանման միջոց է ընտրվել ստորագրությունը չհեռանալու մասին։ Նա մեղադրանքը չի ընդունում, իսկ նրա փաստաբանները պնդում են՝ նախկին նախագահի նկատմամբ քաղաքական հետապնդում է իրականացվում:

***

ՀՀ երրորդ նախագահ Սերժ Սարգսյանի և մյուսների գործով դատական նիստը հետաձգվեց։ Նիստին չէին ներկայացել ամբաստանյալներ Սերժ Սարգսյանը և Գևորգ Հարությունյանը:

Սերժ Սարգսյանի փաստաբան Ամրամ Մակինյանը դատարանին ուղղված դիմումի միջոցով հայտնել էր, որ հանձնել է կորոնավիրուսի թեստ և չի կարող ներկայանալ դատական նիստին: Դիմումի միջոցով փաստաբանը միջնորդել էր նաև հետաձգել դատական նիստը՝ նկատի ունենալով համավարակի աճի ցուցանիշները: Դատավորը, սակայն, նշեց, որ համաձայն չէ միջնորդության հետ, քանի որ համավարակի տեմպերը նվազում են:

Դատավոր Վահե Միսակյանը անհարգելի համարեց Սերժ Սարգսյանի բացակայությունը և հետաձգեց դատական նիստը։

Հաջորդ նիստը կկայանա սեպտեմբերի 3-ին, ժամը15:00-ին:

Zham.am