Աշխարհում չկա մարդկային համակեցության այնպիսի «ճիշտ», որի շրջանակներում Նիկոլ Փաշինյանի ռեժիմի խուժանությունն ինչ-որ կերպ տեղավորվի

Եթե բանը հասել է նրան, որ տղամարդը ուժ է գործադրում, ապա այնպիսի բանի համար պետք է գործադրի, որ ցանկացած պարագայում ասի՝ լավ եմ արել, էլի եմ անելու: Իր արածի համար գլուխը բարձր պետք է քայլի ու ցանկացած շրջապատում արածի համար կարողանա պատասխան տալ, եթե պետք է՝ արածի համար հանգիստ խղճով նաև բանտ գնա: Բայց սա տղամարդկանց մասին է, ոչ թե էսօր պաշտոն ունեցող ու միլիցեքի փեշերի տակ թաքնվող եսիմ ինչերի, որոնց թվում է՝ Նիկոլն ու իր ընտանիքապետությունը հավիտյան են ու իրենք ոստիկանական վահանների հետևում հավիտյան պաշտպանված են արդադատությունից: Սրանց հիմա թվում է, թե ամենակարող են:

Օրինակ՝ համ կարող են հարու տալ, համ էլ՝ նստացնել տալ: Աշխարհում չկա մարդկային համակեցության այնպիսի «ճիշտ», որի շրջանակներում Նիկոլ Փաշինյանի ռեժիմի խուժանությունն ինչ-որ կերպ տեղավորվի: Նման դիմագիծ ունեցող ռեժիմները վատ են վերջացրել, շատ վատ են վերջացրել: Սրանք էլ բացառություն չեն լինելու, որովհետև մարդկային համակեցության կանոններում բացառություններ չեն լինում, օրինաչափություններ են լինում:

Միհրան Հակոբյանի ֆեյսբուքյան էջից