«Հեղափոխության պահապանների» դեմ քրգործը կարճել են, նրանցից մեկին ծեծելու դեպքով քննությունը շարունակվում է
«Հեղափոխության պահապաններ» խմբի ներկայացուցչի դեմ հարուցված քրեական գործը կարճվել է։ Այս մասին Hraparak.am-ի հետ զրույցում ասաց խմբի անդամներից Հայկ Ստեփանյանը։
Նա նշեց, որ չի կարող ասել՝ թե ինչ հիմքով է գործը կարճվել։
«Քրեական գործ այս պահին «Հեղափոխության պահապաններ» խմբի ոչ մի անդամի դեմ չկա։ Այս քրեական գործը 1-2 ամիս է կարճվել, պատճառը՝ ես չեմ հիշում։ Այդ գործը իմ վրա չէր, բայց հիմքը չեմ հիշում։ Հանցակազմ չկար այնտեղ, որովհետեւ ոչ ուժ է կիրառվել, ոչ էլ սպառնալիք կար»։
«Հեղափոխության պահապաններ» խմբի մի ներկայացուցիչ Ֆեյսբուքում տեսանյութ էր հրապարակել, որտեղ երեւում էր, որ խմբի անդամները շրջապատել էին «գյուղապետ» մականունով ներկայացած մի երիտասարդի եւ ստիպել նրան ներողություն խնդրել ՀՀ վարչապետ Նիկոլ Փաշինյանից՝ նրան վիրավորելու համար։ «Գյուղապետ» մականունով երիտասարդն էլ, ըստ տեսանյութի, այն երիտասարդն էր, որը իբր զանգահարել եւ Ֆեյսբուքում հրապարակել էր իր եւ այն աղջկա հեռախոսազրույցը, որը Երեւանի մետրոյում «Այո»-ի բուկլետը պատռել եւ նետել էր Նիկոլ Փաշինյանի ուղղությամբ։
Հայկ Ստեփանյանից նաեւ հետաքրքրվեցինք՝ ինչ ճակատագիր ունեցավ իրեն ծեծի ենթարկելու գործը, պատասխանեց, որ քննություն է ընթանում, 2 հոգի հայտնաբերվել են, նրանց մեղադրանք է առաջադրվել։
Հետևեք մեզ Facebook-ում