Ադրբեջանցիների 30 հոգանոց խումբը Քյոլնում հարձակվել է հայ գործարարին պատկանող բարի վրա

Հուլիսի 23-ի լույս 24-ի գիշերը ադրբեջանցիների խումբը (մոտ 30 հոգի) հարձակվել ու կոտրել է Գերմանիայի Քյոլն քաղաքում հայ գործարարին պատկանող բարի պատուհանները, տակնուվրա արել գույքը:

Ինչպես հայտնում է «Զարթոնք Մեդիան»-ն, գերմանական լրատվամիջոցներին հղելով, ըստ նախնական տեղեկությունների՝ կեսգիշերին մոտ ադրբեջանցիների խումբը հավաքվել է բարի մուտքի դիմաց: Հայ սեփականատերը պատմել է, որ դիմակավորված անձինք, ովքեր հայտնել են, որ իրենք ադրբեջանցիներ են, հարցրել են՝ արդյոք նա հա՞յ է, ապա անցել գործողությունների:

Այնուհետև ավազակախումբը փորձել է ներխուժել բարի սրահներից մեկը, կոտրելով ապակիները աթոռներով:

Ինչպես հայտնել են ոստիկանությունից, տուժողի գույքին պատճառվել է զգալի վնաս․ այլ մանրամասներ չեն հաղորդվում։

Zham.am