Թուրքիան Նախիջևան զորք ուղարկելուց բացի «հակաահաբեկչական» գործողություններ է սկսել Հայաստանի սահմանի մոտակայքում

Եվ այսպես` Թուրքիան  փորձում է իր ադրբհեջանցի գործընկերներին տված խոստումն կատարել: Այս օրերին այդ երկիրը որոշել է զինվորական «մասկի շոուներ» անցկացնել`  փորձելով վախեցնել Հայաստանին: Ադրբեջանի հետ համատեղ զինավարժություններ սկսելուց բացի Անկարան որոշել է Հայաստանի անմիջական սահմանի մոտ «հակաահաբեկչական» գործողություններ սկսել քրդերի դեմ:

Այդ երկրի ՆԳՆ-ը հայտարարել է Yıldırım-3 Ağrı Dağ-ի հակաահաբեկչական գործողությունների սկսման մասին Իգդիրի և Կարսի մոտակայքում:

Շատ վերլուծաբանների կարծիքով այս գործողությունները պատահական բնույթ չեն կրում և անմիջականորեն կապված են հայ-ադրբեջանական վերջին բախումների հետ:

Այս քայլով Անկարան փորձում է վախեցնել Հայաստանին` ցույց տալով, որ այդ երկիրն ցանկացած պահի կարող է ներխուժել Հայաստան` իբր քուրդ «ահաբեկիչներին» հետապնդելու համար: Ի դեպ, Անկարան հենց այդ պատրվակով ներխուժեց Իրաք և մինչ այսօր այդ երկրից դուրս չի եկել: Նույնը կատարվեց նաև Սիրիայի դեպքում: Այսօր արդեն օրակարգում է թուրքական զորքերի ներխուժումը Լիբիա` իբր այդ երկրի «օրինական իշխանությունների» խնդրանքով:

Սակայն այս գործողություններն ուղված են ոչ միայն Հայաստանի դեմ, այլև նպատակ են հետապնդում վախեցնել նաև տեղի քրդական բնակչությանը:

Հիշեցնենք, որ Իգդիրում մեծամասնություն են կազմում քրդերը, ովքեր Հայաստանի հանդեպ խիստ բարյացկամ են տրամադրված: 2009-ին նույնիսկ Իգդիրի քաղաքապետ էր ընտրվել քուրդ Մեհմեդ Նուրի Գյունեշը, ով  2010-ին  պաշտոնական այցով Երևան էր եկել` այցելելով նույնիսկ Եղեռնի համալիր:

Այս ամենը անպատիժ չմնաց, և Գյունեշին մեկ տարի անց թուրքական իշխանություններն մեղադրանք  ներկայացրին և ձեռրբակալեցին:

Եվ ահա, հայ-ադրբեջանական լարվածության այս ֆոնին Թուրքիան ուզում է ավելի զգոն պահել իր արևելյան սահմանները`  միաժամանակ փորձելով վախեցնել հայերին:

Սա է իրականությունը

Արտակ Հակոբյան