Էդ չի՞ ձեր թիմը, Սևանում փարթիներ եք անում, երբ մեր հերոս տղերքի քառասունքը նույնիսկ չի անցել

Աչքովս ընկավ, որ ոմն ՔՊ-ական՝ Վահագն անունով, իմ անվան հետ կապված գրառում էր արել՝ փորձելով երիտասարդներին աջակցող մեր շարժմանը քաղաքական աստառ տալ:

ՔՊ-ական ստորին շարքերից արված նման հիմնազուրկ գրառմանն առհասարակ չէի անդրադառնա, եթե թեման ինձ համար այսքան կարևոր չլիներ:

Ուրեմն լսի՛, ա՛յ ոմն ՔՊ-ական: Էս շարժումը մի նպատակ ունի՝ դիմորդների ոտնահարված շահերի պաշտպանությունը, ու ինչքան էլ դու ու քո նման մի քանի մանկլավիկ փորձեք դրան քաղաքական հնչերանգ տալ, չի ստացվելու: Երևի մարդկանց ձեր արշինով եք չափում... բա ոնց, ձեր մտածելակերպով՝ եթե մարդ մեկի համար մի բան անում ա, ուրեմն անձնական հետաքրքրություն ունի:

Ձեր սուպերնախարարը իրա վարած տգետ քաղաքականությամբ հարյուրավոր երիտասարդների ճակատագրի հետ ա խաղում, ինքն էլ տակն արած փակվում ա իրա դղյակում, դեմն էլ մի քանի տասնյակ ոստիկան ա կանգնացնում, որովհետև գիտի, որ էդ երեխեքի աչքերին նայի, խոսելու ունակությունը կորցնելու ա: Չնայած զարմանալու ի՞նչ կա, տգիտությունն ու վախկոտությունը ձեր ամբողջ քաղաքական թիմի բնութագրիչներն են, դուք արդեն էդ բառերից վատ չեք էլ զգում:

16-17 տարեկան տղերքը զինվորական համազգեստով գալիս կանգնում են նախարարության առաջ, ասում են՝ մենք վաղը մյուս օրը գնալու ենք հայրենիքը պաշտպանենք, մի հատ մեր ասածը լսեք, մեկ ա, ոստիկանական բարիկադներով պաշտպանում եք ձեզ:

Ձեր նախարարը պատասխան ա տալու իրա բոլոր արածների համար՝ էսքան մատղաշ երեխեքին սթրեսի ենթարկելու, կրթության ոլորտը կործանելու ու ապազգային ստոր գործունեություն իրականացնելու համար:

Ֆեյսբուքում ամբողջ օրը վեր ընկած մարդկանց վրա կեղտեր հորինելու փոխարեն քո կուսակից ընկերոջ մասին գրի, որ լինելով իշխանության ներկայացուցիչ՝ արտակարգ դրության ու պատերազմի պայմաններում գնում Սևանում աղջիկների հետ կայֆեր ա անում՝ թքած ունենալով ձեր ընդհանուր շեֆության ասածների վրա:

Էդ չի՞ ձեր թիմը, Սևանում փարթիներ եք անում, երբ մեր հերոս տղերքի քառասունքը նույնիսկ չի անցել:

Իսկ ինչ վերաբերում ա գրածիդ բովանդակությանը, ասեմ՝ ես մի մարդու կողմնակիցն են, ում կողքին եմ եղել ամենանեղ պահին, ու հպարտանում են դրանով, որովհետև էդ մարդը Արցախյան պատերազմի ժամանակ իր ընտանիքով մնացել ա Արցախում ու չի թռել պատերազմից՝ ի տարբերություն քո դասալիք ղեկավարի, ես էն մարդու աջակիցն եմ, ով հայկական երկու հանրապետությունների ծաղկման մեջ ամենամեծ ավանդն ա ունեցել, ով միայն կառուցել ու շենացրել ա՝ ի տարբերություն քո ղեկավարի, ով արդեն 2 տարի ա երկիր ա ղեկավարում, բայց քանդելուց բացի ոչ մի բան չի արել, ես էն մարդու աջակիցն եմ, ում օրոք տնտեսական մեծ աճ ա գրանցվել, մարդիկ սկսել են նորմալ ապրել, ոչ թե քո քաղաքական ղեկավարի կառավարման նման, որ մարդկանց սոցիալական վիճակն օր օրի վատանում ա, ու վերջապես, ես էն մարդու կողմնակիցն եմ, ով միշտ տղամարդու պես կանգնած ա իր տեղում ու ոչ մի դժվարությունից չի խուսափում՝ ի տարբերություն քո շեֆի, ով Մարտի 1-ի ժամանակ հրահրեց էդ խուլիգանությունները, 10 անմեղ մարդու մահվան պատճառ դարձավ, հետո գնաց ընդհատակ, հիմա էլ եկել, դերասանություն անելով ուզում ա Մարտի 1-ի մեղավորներ գտնի:

Հա, մի անգամ էլ եմ ասում՝ ես էդ մարդու աջակիցն եմ ու հպարտ եմ դրա համար՝ ի տարբերություն ձեզ, որ պիտի գետինը մտնեք էն մարդու արածների համար, ում կողքը դուք հիմա կանգնած եք:

Իսկ պատանի դիմորդներին իմ աջակցությունը ի սրտե աջկցություն ա, արդարության վերականգնման պահանջ, ու ոչ մի կապ չունի, թե էդ շարժման մասնակիցներից ով ինչ քաղաքական հայացքներ ունի, քանի որ էդ մարդկանց շարքերում կան տարբեր, իրար հակադիր քաղաքական տեսակետ ունեցողներ, շատ են նաև այնպիսինները, ով քաղաքական հայացք չունի ու քաղաքականությամբ չի էլ հետաքրքրվում, բայց մեզ բոլորիս մի բան ա միավորել՝ արդարության համար պայքարը:

Հովհաննես Հարությունյանի ֆեյսբուքյան էջից