«Ֆեյսբուքահայությունը» հետևում է 2017 թվականի խորհրդարանական ընտրություններին (լրացվում է, ուղիղ, տեսանյութ, լուսանկար)

«Վաղը գոնե հիշեք մի տարի առաջ զոհվածներին, ու մարդավարի ընտրեք, առանց կաշառքի ու վախենալու։ Որ հետո չամաչեք ինքներդ ձեզնից։ Չգիտեմ, թե ում եմ դիմում, քանի որ հաստատ, իմ ընկերների մեջ տենց մարդ չկա։ Բայց դե ոնց չասես», - Ֆեյսբուքի իր էջում գրել է մեդիափորձագետ Սամվել Մարտիրոսյանը:

---------------------

Մի քանի ամիս առաջ ԵՄ երկրներից մեկի դեսպանի հետ ընտրությունների մասին էինք խոսում: Բնականաբար անունը չեմ տալիս, քանի որ դա մասնավոր խոսակցություն էր:
Նա շատ պարզ ասաց, որ Հայաստանի իշխող ուժը ցանկանում է հնարավորինս անաղմուկ կերպով հաղթել ընտրությունների ժամանակ: Սակայն "մենք (ՄԵՆՔ !!!!!!!!!)" շատ լավ հասկանում ենք, որ եթե դա չստացվի, ապա հաղթելու համար ամեն ինչի նրանք ընդունակ են, ոչնչի առջև կանգ չեն առնի, որքան էլ դա ծանր հետևանքներ չունենա Հայաստանի համար:
Այսինքն "միջազգային հանրությունը" սթափ կերպով է գնահատում իրավիճակը:
Ինչի համար եմ սա ասում:
Սա ասում եմ, որ ոչ միայն ընտրությունների միջոցով իշխանությունը Հայաստանում չի փոխվի և ոչ միայն "ընդդիմության" մասնակցության շնորհիվ են այս ընրությունները օրինական տեսք ստանում, այլ մի ավելի շատ վատ բան է կատարվում:
Որքան որ "ընտրությունները" դժվար է լինում սարքել, այնքան ավելի շատ խուլիգանների և տեղական հեղինակությունների են ստիպված լինում ներգրավվել այդ գործընթացին և այն խաժամուժը, որին տեսնում եք ընտրատեղամասերի շուրջը խմբված, նրանց հետո պետք է պարգևատրեն` այդ թվում նաև միջին և ցածր պաշտոններով: Այդ խաժամուժը մոտ ապագայում ձեր տեղական ղեկավարն են լինելու, ովքեր որ դեռ չի կարողացել կայանալ մինչ այս պահը: Դուք նրանց կայանալու հնարավորություն եք տալիս, արդյունքում ոչինչ չշահելով:
Իսկ այն հարցը, բա ինչ անենք, արդեն այլ խոսակցություն է: Գոնե մի արեք այն, ինչն նրանց ավելի է հզորացնում և համախմբում: Մի ընդունեք այդ երևույթը: Դա արդեն ինչ-որ բան անելու սկիզբ է: Ցանկացած գործ սկսելու համար պետք է սթափ գնահատել իրավիճակը:

Ստեփան Դանիելյանի ֆեյսբուքյան էջից

***

Սկզբից քաղաքական ուժերի մեծ մասն են իրենց առևտուրն անում իշխանության հետ, հետո իշխանության հետ առևտրի մեջ են մտնում քաղաքացիները։
Իրոք զարմանալի է, որ քաղաքական ուժերը դժգոհում են քաղաքացիների այս վարկագծից։ Նույն գործով եք զբաղված, ուղղակի մասշտաբներն են տարբեր:

Դերենիկ Մալխասյանի ՖԲ էջից 

***

Ժող, հիշեցնեմ, որ սենց ընտրախախտումների ահազանգների կայք եմ սարքել։ Ընտրախախտում տեսնելիս, գալիս եք ստեղ ֊ https://ahazang.ushahidi.io ֊ ու տեղադրում ահազանգը քարտեզի վրա։ Կարող եք նաեւ ֆօտօ եւ յություբից տեսանյութ տեղադրել մեջը։ Որ հասցեն հեշտ հիշեք, կարող եք նաեւ սենց այցելել կայքը ֊ http://bit.ly/ahazang
Եթե արդեն արած ահազանգի վերաբերյալ պարզաբանում է լինում, ստեղ դրեք, ես կավելացնեմ տակը ֊ հետագա զարգացումներ բաժնում։ #Armvote17
Ես ռեփորթ անողի մասին ոչ մի տվյալ չեմ տեսնում, նենց որ սա անոնիմ է լրիվ, եթե դուք ինքներդ ձեր տվյալները չտեղադրեք

***

Այ քեզ հրաշք, տղամարդու անձնագիրը մուտքագրելուց կնոջ նկար է բերում. 7/34 տեղամաս։

Հովսեփ Ղազարյանի ֆեյսբուքյան էջից

***

Աթոմ Էգոյանը և Էրիկ Նազարյանը շարունակում են իրենց դիտորդական առաքելությունը այս պահի դրությամբ Հաղարծին 38/12 ընտրատեղամասում գրանցեցին մի քանի խախտումներ, ներառյալ մուտքի առջև կուտակումներ:

***

գ. Շաքի 34/68, Սյունիքի մարզ
Մեր միջամտությամբ արձանագրվեցին ընտրողների ուղղորդման դեպքերը` լրագրող ներկայացող անձի կողմից

Աթոմ Էգոյանը և Էրիկ Նազարյանը դիտորդական առաքելությամբ Բերքաբեր գյուղ, 37/27 ընտրատեղամասում:

«Գորիսի երեք տեղամասերում ընտրությունների ընթացքը վերահսկելիս ակնյայտ դարձավ, որ բազմաթիվ քաղաքացիներ ծանոթ չեն քվեարկության կարգին, թերթիկների թիվը շփոթմունք է առաջացնում, շատ էին բաց քվեարկության դեպքերը։
#ArmVote17», - գրում է Արսինե Խանջյանը «Ֆեյսբուքի» իր էջում:

***

Ընտրատեղամասերից օն֊լայն հեռարձակումը ստեղից ա ֊ http://electionsonline.am/
Բայց չի աշխատում ։Ճ #Armvote17

Սամվել Մարտիրոսյանի ՖԲ էջից 

***

Դիտորդ Վարդան Մարաշլյանը ուղիղ հեռարձակում է ապահովում «Ֆեյսբուքի» իր էջում:

***

«Համար 1/02 ընտրատեղամասում առավոտյան 8:00-ի դրությամբ մեծ կուտակումներ էին գոյացել: Բացի այդ չէր աշխատում սարքերից մեկը: Նկատողությանը՝ թե ինչու չի աշխատում ու եթե չի աշխատում ինչու արձանագրություն չի կազմվում պատասխանատուներից մեկը նշեց՝ թե բա կշտկվի խնդիրը, բայց այդպես էլ ընտրատեղամասում գտնվելու ժամանակաընթացքում ոչինչ չարվեց:

Ի դեպ՝ նույն ժամի դրությամբ դիմացի դպրոց, որտեղ նույնպես ընտրատեղամաս կա, չգիտես ինչու նման հոսք չկար: #Armvote2017», - Աննա Մովսիսյանի ֆեյսբուքյան էջից:

***

«Ու այ սենց արդեն 3 ժամ, լրիվ գազելներներով», - մեկնաբանում է կից լուսանկարը ֆեյսբուքի իր էջում օգտատեր Արեն Մանուկյանը:

Zham.am