Բագրատյանը «դուրս է բերվում» ԲՀԿ-ից. Փաշինյան, բա ո՞ ւր մնաց Ձեր «Նոր Հայաստանի» բարքերը
Ինչպես հայտնի է ցանկացած կուսակցության մեջ էլ կան և սկզբունքային, և պատեհապաշտ գործիչներ: Ի դեպ դա ոչ միայն Հայաստանյան, այլև համաշխարհային երևույթ է:
Սկզբունքայիններն ու պատեհապաշտները հայտնի են դառնում կուսակցության համար դժվարին ժամանակներում, երբ արդեն մարդու ընտրությունը դառնում է «սև» կամ «սպիտակ»:
Այդ տեսանկյունից, օրինակ, այսօրվա ՀՀԿ-ն կարելի է ասել լուրջ մաքրման ճանապարհ է անցնում, ինչը նույնպես օբյեկտիվորեն դրական է ազդելու իր հետագա վարկանիշի վրա:
Իսկ կուսակցություններն այդպիսի վիճակի մեջ են հայտնվում, երբ իշխանություն են կորցնում, ինչպես եղավ ՀՀՇ-ի և ՀՀԿ-ի պարագայում, կամ էլ, երբ կուսակցությունն հայտնվում է իշխանության թիրախում, ինչպես որ ԲՀԿ-ն: Այդ ժամանակ իշխանությունը, օգտագործելով իր վարչական և պատժիչ լծակները, փորձում է կուսակցության մեջ հայտնաբերել այսպես կոչված «թույլ օղակներ», որպեսզի փորձի կազմաքանդել կամ գոնե տրոհել տվյալ կուսակցությունն:
Նախկինում այդ երևույթներին շատ ենք ականատես եղել, սակայն 2018-ի ապրիլից հետո Փաշինյանն խոստացավ, որ «նախկին վատ բարքերից Հայաստանն պետք է ազատվի»: Այսօր տեսնում ենք, որ Փաշինյանն իր գործողություններով կրկնում է այն նույնն ինչ կատարվում էր նախկինում:
Ըստ էության այս իշխանության քննությունը նոր որակի իշխանություն դառնալու հարցում կարելի է ասել լիովին ձախողվել է:
Ավելին` ինչպես նախկին փորձն էր ցույց տալիս կուսակցությունների վրա ճնշումներ գործադրելով իշխանությունն կարող է ավելի շատ «պողոսյան» հաղթանակ տանել, իսկ ահա կուսակցությունն այս ամենից կարող է դուրս գալ քաղաքական տեսանկյունից ավելի կոփված վիճակով: Կոնկրետ այս ամենից, վերջնաարդյունքում, ԲՀԿ-ն ավելի շատ շահելու է, քան կորցնելու է, իսկ ահա Փաշինյանի իշխանությունը հաստատ ավելի տուժելու է, քանզի մարդիկ տեսնելու են, որ ներկայիս իշխանությունն նախկինի բոլոր վատ բարքերը «սեփականաշնորհել են»` մոռանալով որպես ժառանգություն վերձնել նախկինի լավ կողմերը:
Սա է իրականությունն:
Արտակ Հակոբյան
Հետևեք մեզ Facebook-ում