Մեր թվիթերի հաշիվներից այս մեկը՝ @karabakhrecords հաշիվը, շաբաթվա ընթացքում ունեցել է ավելի քան 370 հազար դիտելիություն. Տարոն Հովհաննիսյան

Մեր թվիթերի հաշիվներից այս մեկը՝ @karabakhrecords հաշիվը, շաբաթվա ընթացքում ունեցել է ավելի քան 370 հազար դիտելիություն։ Սա իմ շնորհքը չէ, այլ մեր էրեխեքի, որ գիշերը ցերեկ արած աշխատել են բոլորը տարբեր երևացող ու չերևացող «ֆռոնտներով», ինչպես և պետք է լիներ։ Բոլորն են այդպես աշխատել առհասարակ, դեռ շատ բան ունենք անելու։ Կարևորը միշտ զգոն լինենք ու չթուլանանք հանկարծ։

Իհարկե ամենակարևորը այն է, ինչ կարողացել ու կարողանում են անել մեր տղեքը՝ ամենաբարձր մակարդակով, բոլոր անհրաժեշտ մակարդակներով մանրակրկտորեն մտածված ձևով։ Ու դրան զուգահեռ իհարկե մեր դիվանագետները, որոնք ևս հսկայական աշխատանք են տանում։

Ամեն բան շաղկապված է։ Հաջողություն, թեկուզ փոքր, կարող է լինել միայն այն դեպքում, երբ ամեն մեկը հստակ գիտի իր անելիքը, ու համակարգը աշխատում է։

Կարեւորը չթուլանալն է, ինչպես նշել եմ, ու չմտածելը, որ ամեն բան ավարտված է։ Վստահաբար նոր փուլի սկիզբ էր սա, ու ստարտը պետք է պահել՝ ամեն վայրկյան կազմ ու պատրաստ լինելով Ադրբեջանի ցանկացած սադրանքի մեջքը էսպես ու ավելի ուժեղ կոտրելու։

Բոլորիս խաղաղ գիշեր եմ մաղթում՝ զուգահեռ անհրաժեշտ զգոնությամբ։

Տարոն Հովհաննիսյանի ֆեյսբուքյան էջից