Ես հասկանում եմ, որ բոլորը ցանկանում են Մարգարիտա Սիմոնյանին իրենց «յախք»-ն ասել, բայց մի կարևոր նրբություն ոնց որ թե բաց եք թողնում, ընկերներ

Ես հասկանում եմ, որ բոլորը ցանկանում են Մարգարիտա Սիմոնյանին իրենց «յախք»-ն ասել, բայց մի կարևոր նրբություն ոնց որ թե բաց եք թողնում, ընկերներ։

Մեր մեջ ասած, նա ՌԴ բարձրաստիճան պաշտոնյա է։

Ինչքանով որ խելքս կտրում է, ըստ այդմ էլ պիտի որ պաշտոնական արձագանք լինի։

Պարտադիր չէ հանրային «ատվետկա», այլ մոտավորապես այսպես. «ՀՀ դեսպանը բլա-բլա-բլա... Ռուսական կողմը ներողություն է խնդրել միջադեպի համար, Մարգարիտա Սիմոնյանը հեռացրել է իր գրառումը»։

Կամ կարող է գրավոր ներողություն լինել Մարգարիտայից, նամակի տեսքով։

Այնպես չէ, որ սա առաջին նման միջադեպն է։

Այդպիսի միջադեպները հարթելու համար պիտի աշխատանք տարվի, ինչի համար հատուկ մարդիկ կան, որոնք աշխատավարձ ու պրեմիաներ են ստանում ՀՀ պետական բյուջեից։

«Կարկառուն հայ կոշկակարի ելույթը պայթեցրել է համացանցը. Մարգոն ամոթից գետինը մտավ» ոճի վիդեոներով դաշտը լցնելը կամ օնլայն ստորագրահավաքներ կազմակերպելը տվյալ դեպքում ոչ ոքի տանձին չեն, սա այն դեպքն է, որ պաշտոնական շատ օպերատիվ արձագանք է պետք։

Որն արդեն ուշանում է...

Կարեն Վրթանեյանի ֆեյսբուքյան էջից