ԱՄՆ Կոնգրես է ներկայացվել Թուրքիայի դեմ պատժամիջոցների վերաբերյալ օրինագիծ

ԱՄՆ Կոնգրես է ներկայացվել օրինագիծ՝ ռուսական զենիթահրթռիային С-400 համակարգեր գնելու համար Թուրքիայի նկատմամբ պատժամիջոցների սահմանելու մասին։ Այս մասին իր կայքում հայտնել է նախաձեռնության համահեղինակ, հանրապետական Ադամ Կինզինգերը։

Առաջարկվում է միջոցառումներ իրականացնել «Պատժամիջոցների միջոցով Ամերիկայի հակառակորդներին հակազդելու մասին» օրենքի հիման վրա։

«Ռուսաստանի կողմից զենքի արտահանմանը հակազդելու մասին ակտ» վերտառությամբ փաստաթուղթն օրենսդիր մարմին է ներկայացվել հուլիսի 16-ին։ Մանրամասներ չեն հաղորդվում։

Հիշեցնենք՝ Թուրքիան ՌԴ-ից գնել է С-400-ի չորս դիվիզիոն։ Անկարայի գործարքը խնդիրներ է առաջացրել Վաշինգտոնի հետ հարաբերություններում։

Zham.am