Քլոե Քարդաշյանը գրել է ադրբեջանական հարձակումների մասին

Ամերիկահայ հեռուսաաստղ Քիմ Քարդաշյանի քույրը՝ Քլոե Քարդաշյանը, Ինստագրամի սթորիների բաժնի մի մասը նվիրել է Հայաստանին և Ադրբեջանի սահմանին տեղի ունեցած միջադեպերին:

Քլոե Քարդաշյանը գրել է, որ ադրբեջանական ուժերը հարձակվել են Չինարի գյուղի բնակիչների վրա, հայ զինվորներ են զոհվել, ռմբակոծվել է Տավուշի դիմակների գործարանը, իսկ հետո Բաքվում ցույց է եղել, որի ժամանակ հնչել են «մահ հայերին» և պատերազմի կոչեր:

Քարդաշյանն ամերիկացիների կոչ է արել աջակցել հայ ժողովրդին:

Քլոե Քարդաշյանը պատմել է, որ որպես հայկական ծագմամբ ամերիկացի ծանոթ է էթնիկ հիմքով խտրականությունը, որին հայերը ենթարկվում են, երբ փորձում են իրենց պաշտպանել: Նրա խոսքով, Հայոց ցեղասպանությունը մերժողները հարձակվում են հայերի վրա, իսկ հետո հայերին մեղադրում հարձակման մեջ:

Իր էջում Քարդաշյանը հրապարակել է Հայաստանի դրոշը, Սասունցի Դավթի արձանը, Հայաստանի զինանշանը:

Zham.am