ԱԳՆ-ն պետք է օգտագործի սա հայկական միջուկային դիվանագիտության գործիքակազմի հարստացման ու բազմազանեցման համար

Միջազգային ամենաբարձր ամբիոններից հնչեցվում էր այն կարծիքը, որ Հայկական ԱԷԿ-ն իրենից վտանգ է ներկայացնում ամբողջ տարածաշրջանի համար, քանի որ չի համապատասխանում նման օբյեկտների շահագործման միջազգային նորմերին: Ավելին՝ պարբերաբար խոսվում էր այն մասին, որ ՀԱԷԿ-ի շահագործումը հանգեցնում է նրան, որ սահմանամերձ թուրքական բնակավայրերում երեխաները ծնվում են անոմալիաներով, իսկ հարյուրավոր մարդիկ ամեն տարի մահանում են քաղցկեղից:

Այդ հռետորաբանությունը գրեթե չի փոխվել ու շարունակում է բանեցվել առ այսօր:

Ակնհայտ է, որ Հայկական ԱԷԿ-ը որպես հրթիռային հարվածի թիրախ դիտարկելով՝ Բաքուն հակասում է ինքն իրեն: Նման սցենարի իրականացման պարագայում տարիներ շարունակ թմբկահարվող հիպոթետիկ խնդիրները իրականություն կդառնան, որի համար միակ պատասխանատուն լինելու է Բաքուն:

Տվյալ հայտարարությունն իսկական նվեր է Հայաստանի ԱԳՆ-ին: Վերջինս պետք է օգտագործի այն հայկական միջուկային դիվանագիտության գործիքակազմի հարստացման ու բազմազանեցման համար՝ վերջնականապես ամրապնդելով Հայաստանի՝ որպես ՛՛խաղաղ ատոմ՛՛ զարգացնող պետության դիրքերը տարածաշրջանում:

Վահե Դավթյանի ֆեյսբուքյան էջից