«Ռեալը» 34-րդ անգամ նվաճեց Իսպանիայի չեմպիոնի կոչումը. Տեսանյութ

Իսպանիայի առաջնության նախավերջին՝ 37-րդ տուրում Մադրիդի «Ռեալն» «Ալֆրեդո դի Ստեֆանո» ստադիոնում ուժերը չափեց «Վիլյառեալի» հետ։

«Արքայական ակումբը» հաղթանակ տոնեց 2-1 հաշվով Կարիմ Բենզեմայի դուբլի՝ 29-րդ և 74-րդ րոպեներին խփած գոլերի շնորհիվ։ «Վիլյառեալից» գոլի հեղինակ դարձավ Իբորան 84-րդ րոպեին։ Ֆրանսիացի հարձակվողը Լա լիգայի ընթացիկ մրցաշրջանում իր գոլերի քանակը հասցրեց 21-ի և 3 գնդակ է զիջում լավագույն ռմբարկու, «Բարսելոնայի» առաջատար Լիոնել Մեսիին։

Այսպիսով՝ «Ռեալն» այս խաղից հետո իր ակտիվում ունի 86 միավոր և վաղաժամ չեմպիոն է հռչակվում՝ անկախ վերջին տուրի արդյունքից։

Հավելենք, որ նախորդ անգամ «Արքայական ակումբը» չեմպիոն էր դարձել 2016-17 մրցաշրջանում։

«Ռեալ Մադրիդ» 2-1 «Վիլյառեալ»

Գոլերը՝ 1-0՝ Բենզեմա 29՛, 2-0՝ Բենզեմա 74՛(11մ), 2-1՝ Իբորա 84՛

Zham.am