Ղարաբաղյան հակամարտության խնդրում կարևոր հարցերի շուրջ փոխհամաձայնություն չկա՝ դժվար է. Սերգեյ Լավրով

Ղարաբաղյան հակամարտության կարգավորման խնդրով բանակցությունների մանրամասները գաղտնի  բնույթ են կրում, սակայն, ըստ ՌԴ ԱԳ ղեկավար Սերգեյ Լավրովի, բազում ասպեկտներ արդեն  համաձայնեցվել են:

«Հարկ է հաշվի առնել, որ ղարաբաղյան հակամարտությունը՝ բավականին նուրբ հարց է, այդ իսկ պատճառով բանակցությունները գաղտնի բնույթ են գրում: Դրա հետ մեկտեղ կարող եմ ասել, որ բազում ասպեկտներ արդեն համաձայնեցվել են: Մի քանի հարց է մնացել: Բայց դրանք ամենադժվարն են: Գալ փոխհամաձայնության դեռ չի հաջողվել: Այնուամենայնիվ, աշխատանքները շարունակվում են», - փոխանցում է ՏԱՍՍ գործակալությունը:

Լավրովը նաև հայտնեց, որ ղարաբաղյան հակամարտության կարգավորումը Ռուսաստանի անվերապահ արտաքին քաղաքական առաջնահերթությունների թվում է:

Թեման շատ ակտիվ քննարկվում է ամենաբարձր մակարդակով՝ Ռուսաստանի, Հայաստանի և Ադրբեջանի ղեկավարների հանդիպումների ժամանակ, նշեց Լավրովը:

Ինչպես արդեն հաստատվել է ԵԱՀԿ ՄԽ ամերիկացի համանախագահ Ռիչարդ Հոգլանդի կողմից, Հայաստանի և Ադրբեջանի արտգործնախարարները կհանդիպեն առաջիկայում՝ երկու երկրների նախագահների հանդիպումը նախապատրաստելու համար: 

Նա անդրադարձել է նաև ԶԼՄ-ում հաճախակի հիշատակվող Լավրովի ծրագրի մասին. «Մենք այն «Լավրովի ծրագիր» չենք անվանում, սակայն, անշուշտ, բանակցությունների սեղանին դրված է ծրագիրը: Դա համընդգրկուն ծրագիր է, այն բաղկացած է երեք մասից, սակայն սխալ կլինի, եթե ես ձեզ մանրամասներ հայտնեմ, որովհետև բանակցությունների երկու կողմերը պետք է աշխատեն տարբեր ասպեկտների շուրջ: Դիվանագիտությունը թղթախաղի պես է, երբ խաղաքարտերը քո ձեռքում են, դու դրանք միանգամից սեղանին չես գցում, որ բոլորը տեսնեն», - ասաց ԵԱՀԿ ՄԽ ամերիկացի համանախագահ Ռիչարդ Հոգլանդը:

Zham.am