Ադրբեջանում մի մարդ չգտնվեց, որ Մեծամորի հարվածելու նման անհեթեթ հայտարարությունից առաջ ասի «էս ի՞նչ եք ասում, աղա, ախր անհարմար է»

Ուրեմն նոր եմ ընդունվել համալսարան, առաջին կամ մաքսիմում երկրորդ կուրսի ուսանող էի, աշխարհաքաղաքականության դասն էր, մեր սիրելի դասախոսը՝ Էդուարդ Ղազարյանը (Աստված հոգին լուսավորի), մեր տարածաշրջանի մասին պատմելով անդրադառնում է Մեծամորի ԱԷԿ-ին։ «Մեր աշխարհագրական դիրքն այնպիսին է, որ եթե Մեծամորի ԱԷԿ-ին հարված հասցնեն, քամիների հոսքն այնպիսին է, որ առաջին հերթին Թուրքիան կտուժի», - պատմում է դասախոսը։