Ադրբեջանում ճնշվում է խոսքի և մամուլի ազատությունը. կոչ ենք անում միջազգային հանրությանը՝ սաստել լրագրողների աշխատանքը խոչընդոտող բռնարարքները. «Մեդիա պաշտպանը»՝ Բաքվում տեղի ունեցած ցույցերի մասին
«Մեդիա պաշտպանն» անդրադարձել է օրերս Ադրբեջանում տեղի ունեցող բողոքի ակցիաներին:
«Ադրբեջանում ճնշվում է խոսքի և մամուլի ազատությունը
Ադրբեջանում հակաիշխանական բողոքի ակցիաներ են, սակայն ադրբեջանական կողմը կեղծիքների է դիմում։ Ըստ Բաքվի` այդ երթն ի աջակցություն ադրբեջանցի զինվորների է։
Գրեթե անհնար էր որակյալ տեսանյութ գտնել Բաքվի բողոքի ակցիաներից, առաջատար լիատվականներնն ուղղակի լռում են։
Ադրբեջանում խոսքի ազատությունը բռնադատված է և բազմաթիվ դեպքերի ենք ականատես լինում, որ լրագրողներն Ադրբեջանում բռնության են ենթարկվում, դատապարտվում են ազատազրկման կամ վտարվում են երկրից։
Հուլիսի 14֊ը բացառություն չեղավ։ Բողոքի ակցիաների ժամանակ խոշտանգվել և բռնության են ենթարկվել այն լրագրողները, որոնք փորձում էին ուղիղ եթեր ապահովել, վնասվել է լրագրողների մասնագիտական տեխնիկան։
«Մեդիա պաշտպան» նախաձեռնությունը դատապարտում է խոսքի ազատության դեմ նման ոտնձգությունները և կոչ է անում միջազգային հանրությանն ու իրավապաշտպան կառույցներին արձագանքել պաշտոնական Բաքվի քայլերին և սաստել լրագրողների ազատ աշխատանքը խոչընդոտող բռնարարքները»,- ասվում է «Մեդիա պաշտպանի» գրառման մեջ:
Հետևեք մեզ Facebook-ում