Մոսկվայի ոստիկանությունը կանխել է «Ադրբեջանի առաջնագիծ մեկնել ցանկացողների» հավաքը. լուսանկարներ
NEWSPRESS.am-ին Մոսկվայի մեր աղբյուրները հայտնում են, որ մի խումբ ադրբեջանցիներ ցանկացել են հավաքվել ՌԴ-ում Ադրբեջանի դեսպանատան մոտ. պահանջել են պատերազմ՝ ընդդեմ Հայաստանի։
Նրանք երեկ ներքին հաղորդագրություն են տարածել, որ այսօր՝ հուլիսի 15-ին հավաքվելու են Ադրբեջանի դեսպանատան մոտ։ «Դրոշներով, առանց քաղաքական լոզունգների, հաջակցություն զինծառայողների։ Մենք պետք է ցույց տանք մեր աջակցությունը, որ պատրաստ ենք մեկնել առաջնագիծ»,- ասվել է նրանց հայտարարությունում։ Կոչ է արվել նաև հրավիրել ծանոթներին, բայց չտարածել հաղորդագրությունը սոցցանցերի միջոցով։
Ինչպես տեսնում ենք սակայն մեզ փոխանցված լուսանկարներում, «առաջնագիծ մեկնել ցանկացողները» շատ փոքրաթիվ են։ Մոսկվայի ոստիկանությունն արդեն իսկ ցրել է այս հավաքը։ Տեղի ադրբեջանցիները ոստիկանության գործողություններում մեղադրում են ծագումով հայ ոստիկան պաշտոնյաներին։
Այս պահին իրավիճակը հանգիստ է, հավաքը, որպես այդպիսին, չի կայացել։
Հետևեք մեզ Facebook-ում