ՀՅԴ Հայ դատի գրասենյակները քսանչորժամյա ռեժիմով իրականացնում են Հայաստանի արտաքին շահերի պաշտպանության ազգանվեր գործունեությունը

✅ՀՅԴ Հայ դատի Վաշինգտոնի գրասենյակը Ամերիկայի Միացյալ Նահանգների պետական իշխանության մարմինների ուշադրությունն է հրավիրել ստեղծված իրավիճակին։ Գրասենյակը մեծ ակտիվությամբ ամերիկյան հասարակությանն ու իշխանություններին ներկայացնում է օբյեկտիվ տեղեկատվություն ստեղծված իրավիճակի վերաբերյալ։ Ամերիկացի բազմաթիվ բարձրաստիճան պաշտոնյաներ, այդ թվում սենատորներ և կոնգրեսականներ, արդեն իսկ իրենց զորակցությունն են հայտնել հայ ժողովրդին։

✅ՀՅԴ Հայ դատի Կանադայի հանձնախումբը պաշտոնական գրությամբ դիմել է երկրի արտգործնախարար Ֆ․Պ․ Շամպայնին՝ կոչ անելով նրան ամբողջապես դատապարտել ադրբեջանական ագրեսիան և սատարում հայտնել Հայաստանի տարածքային ամբողջականությանն ու ինքնիշխանությանը։

ՀՅԴ Հայ դատի գրասենյակներն ու հանձնախմբերը աշխարհի առավել քան 30 երկրում լծվել են ստեղծված իրավիճակում Հայաստանի Հանրապետության պետական ու ազգային շահը ամենատարբեր մակարդակներում սպասարկելու աշխատանքների։
Այս ընթացքում, Հայ դատի պատասխանատուները նաև միջանձնային հանդիպումներ են ունենում, որոնք սովորաբար չեն լուսաբանվում։
Ես հիշատակեցի միայն Բրյուսելի, Վաշինգտոնի և Օտտավայի գրասենյակների աշխատանքները, սակայն մեր բոլոր հանձնախմբերն ու գրասենյակներն ամենօրյա հևքի մեջ են։

Վարձքներդ կատար, սիրելի ընկերներ։

Իշխան Սաղաթելյանի ֆեյսբուքյան էջից