Հայաստանում կոռուպցիայի դեմ «պայքարն» ուղղորդելու են ամերիկացինե՞րը. Էլ ի՞նչ են ուղղորդելու միստր Փաշինյանին

Այսօր հայտնի է դարձել, որ ԱՄՆ Պետդեպարտամենտը մտադիր է վարձել «մասնագետ», ով կօգնի Հայաստանի կառավարությանը «պայքարել» կոռուպցիայի դեմ: Այդ «մասնագետը» համագործակցելու է ՀՀ Արդարադատության նախարարության հետ եւ նպատելու է բարեփոխումների առաջմղմանը: «Խորհրդականը աջակցելու է ՀՀ կառավարությանը նոր հակակոռուպցիոն մարմինների ստեղծման եւ դրանց արդյունավետության բարձրացման գործում: Խոսքը վերաբերում է նաեւ ՀՀ ստեղծվող հակակոռուպցիոն կոմիտեին: Այդ հաստատությունները հետաքննելու են կոռուպցիայի դեպքերը եւ կոռուպցիոներներին պատասխանատվության են ենթարկելու».  ասված է փաստաթղթում:

Խորհրդականը նաեւ խորհրդատվություն է տրամադրելու Հայաստանի իշխանություններին` իրավապահ համակարգում բարեփոխումների մշակման եւ իրականացման գործում: Ի դեպ, խորհրդականի հաստիքին կարող են հավակնել միայն ԱՄՆ քաղաքացիներն:

Այսպես, Հայաստանն էլ անսպասելիորեն հայտնվում է ԱՄՆ-ի խնամալականության տակ, սկզբից այս ոլորտում, իսկ հետո նաև կարող են բացվել նոր «դռներ»:

Այսպես է Փաշինյանն պահում իր «բալանսավորված» քաղաքականությունն արդեն հրապարակավ երկիրն դարձնելով աշխարhաքաղաքական պայքարի թատերաբեմ:

Գիտե՞ն արդյոք այն քաղաքացիներն, որոնք ընտրել էին Փաշինյանին,  թե ինչ է հետևելու այս ամենից հետո երկրի հետ: Ի դեպ կոռուպցիայի դեմ «պայքարի» մասին: Ուկրայինան այդ  տխուր «փորձն» ունի, երբ ամերիկացիների կողմից  չորս տարվա այդ երկիրն փորձադաշտ դարձնելուց հետո Ուկրայինան ոչ միայն ավելի քիչ կոռումպացված չդարձավ, այլև կոռուպցիոն նոր սկանդալների մեջ հայտնվեց, որն տեղափոխվեց նաև բուն Միացյալ Նահանգներ:

Այսօր արդեն նախկին ԱՄՆ փոխնախագահ Բայդենի  և Ուկրայինայի  նախկին նախագահ Պորոշենկոյի հարաբերություններից պարզ է դառնում, որ ժամանակին այդ երկրի գլխավոր դատախազին Պորոշենկոն հեռացրել էր պաշտոնից, Բայդենի պահանջով, որպեսզի նրա տղայի շահերն բավարարվեին,  «Բուրիսմա» կոչվող մի ընկերության մեջ, որն էլ իր հերթին այդ երկրի էներգետիկ ոլորտի մի մասի  նվաճման հայտ էր ներկայացրել:

Փաշինյանի այս քայլը պետք է դիտարկել հետևյալ տեսանկյունից նա ուզում է երկրում սեփականաշնորհման վերաբաշխման  գործընթաց սկսել` խաղի մեջ մտցնելով ամերիկացիներին, որպեսզի նրանց միջոցով փորձի լուծել մի քանի խնդիր:

Իսկ երկրի համար  մյուս հնարավոր հետևանքների մասին Փաշինյանը չի ուզում մտածել, քանզի բացի իր անձնական, խիստ էգոիստական շահերից  այսօր իրեն այլևս ոչ մի բան չի հետաքրքրում:

Սա է իրականությունն:

Դավիթ Մկրտչյան