Սոլովյովը պատասխանել է Նավալնու՝ «Հայաստանը դադարել է լինել Սոլովյովի համար բարեկամական երկիր» արտահայտությանը. Տեսանյութ, լուսանկար

Ռուսաստանցի հայտնի լրագրող Վլադիմիր Սոլովյովը հուլիսի 4-ի՝ «Соловьёв LIVE» հաղորդաշարի եթերում պատասխանել է ռուսաստանցի ընդդիմադիր գործիչ Ալեքսեյ Նավալնիի այն հայտարարությանը, իբր հաղորդավարի համար «Հայաստանը դադարել է լինել բարեկամական երկիր» այն բանից հետո, երբ Հանրային հեռուստաընկերության եթերով ցուցադրել էին Ալեքսեյ Նավալնիին:

«Դու չէս հիշու՞մ, Լյոշա, առ տես քո թվիթը, ստախոս...», - հիշեցրել է Սոլովյովը ռուսաստանցի ընդդիմադիր գործչին վերջինիս 2008 թվականին արված գրառումը, որտեղ Նավալնին հայերին վիրավորել է, անվանելով՝ «խաչիկներ» (ռուսերենում «хачики» անվանում են հայերին, երբ ցանկանում են վիրավորել նրանց):

Սոլովյովը հիշեցրեց նաև Նավալնու սկանդալային հոդվածը Հայոց ցեղասպանության մասին:

Ըստ հաղորդավարի, Հայաստանի Հանրային հեռուստաընկերության լրագրողը փորձել է նրա հետ  վեճի բռնվել, բայց Սոլովյովը չի պատրաստվում վիճել նրա հետ, քանի որ նրա «սերը Հայաստանի և հայերի նկատմամբ անուղղելի է, չի աղտոտի, չի խաթարի Սորոսի և ոչ մի վաստակ»:

Դիտել՝ 1:16 րոպեից

Zham.am