Ալիևը կրկին հղում անելով Փաշինյանին` նշել է, թե վերջին 20 տարիներին Հայաստանը ղեկավարել են «հանցագործներն ու թալանչիները»

Երեկ Ադրբեջանի նախագահը կրկին «հիշել է» մեզ: Ըստ նրա` Հայաստանի վերջին 20 տարվա պատմությունն եղել է «թալանի և հանցագործությունների տարիներ»: Նա ուրախությամբ նշել է, որ այն ինչ երկար տարիներ թմբկահարում էր ադրբեջանական քարոզչամեքենան այսօր խոստովանում են նաև ներկայիս հայաստանյան իշխանություններն:

Ըստ Ալիևի` մնում է, որ այս «փաստը» ամրագրվի նաև միջազգային շրջանակների կողմից:

Ըստ Ալիևի` հայերը պիտի «պատասխան տան» նաև Խոջալուի համար նույնպես, քանզի, ըստ նրա, «ներքին ահաբեկչական ռեժիմն հանցագործություններ է կատարել նաև իրենց երկրից  դուրս և մասնավորապես Խոջալույում»:

Պետք է նշել, որ ադրբեջանական քարոզչամեքենան բաց չի թողնում Նիկոլ Փաշինյանի ոչ մի խոսք ուղղված նախկին իշխանության հասցեին: Եվ դրանից ելնելով էլ ադրբեջանցիներն փորձում են Փաշինյանի ողջ հռետորաբանությունն օգտագործել Հայաստանի դեմ միջազգային շրջանակներում:

Բայց Ալիևն, օգտագործելով Փաշինյանի հռետորաբանությունն ուղղված նախկին իշխանության հասցեին, չի խնայում նաև ներկայիս հայաստանյան իշխանություններին : Այսպես` Ալիևը միջազգային շրջանակներին հորդորում է նայել, թե ինչպես է նա՝ Փաշինյանն օրը ցերեկով ոտնահարում սեփական երկրի սահմանադրությունն, իսկ իր իշխանությանը քննադատողների վրա անմիջապես քրեական գործեր բացում:

Կարելի է ասել, որ ադրբեջանցիների համար Փաշինյանի կառավարման այս շրջանը պարզապես «նվեր է», քանզի այն, ըստ ադրբեջանցիների, ամբողջովին «մերկացնում է» Հայաստանին և ցույց տալիս, որ այդ երկրի հետ հնարավոր չէ պայմանավորվել:

Այս վերջին թեզն արդեն նորություն է, որն ներկայացնում է Ադրբեջանի նախագահը կարծես ակնարկելով, որ հենց Փաշինյանն իր խոսքերով և վարքագծով ապացուցում է, որ «Հայաստանի ահաբեկչական ռեժիմի հետ պայմանավորվածության գալը գրեթե հնարավոր չէ»:

Իսկ սա արդեն Ալիևի կողմից նոր հայտ է արցախյան խնդիրն ռազմական ճանապարհով լուծելու «լեգիտիմացման» համար:

Սա է իրականությունը:

Արտակ Հակոբյան