Արմեն Սարգսյանի հերթական «նվերը» Նիկոլ Փաշինյանին նպատակ էր հետապնդում արագացնել իշխանության ապօրինի գործընթացները

 Ինչպես հայտնի է,  ՀՀ նախագահ Արմեն Սարգսյանն այսօր Ազգային ժողովի նախագահ Արարատ Միրզոյանին տեղեկացրել է, որ «Սահմանադրական դատարանի մասին» սահմանադրական օրենքում փոփոխություններ և լրացումներ կատարելու մասին օրենքը հարակից օրենքով իր կողմից չեն ստորագրվելու: 

Սույն  հանգամանքը շատերին շփոթության մեջ է գցել, այն աստիճանի, որ ոմանք նախագահի այս քայլը սկսել են դիտարկել`  որպես փոքրիկ դիմադրության նշաններ  ցույց տալու մտադրության գործողություն ներկայիս իշխանության  հանդեպ: Մինչդեռ, իրականությունն այլ է և ճիշտ հակառակը: Նախագահն շտապեց օր առաջ ներկայացնել իր ցանկությունը, որպեսզի գործող իշխանություններն ավելնորդ ժամանակ չկորցնեն իրենց նպատակներին հասնելու համար: Արմեն Սարգսյանը կարող էր 21 օր ձգել և հետո իր այս քայլը կատարել, սակայն նա որոշեց օր առաջ բավարարել իշխանության խնդրանքն, որպեսզի իշխանությունն ժամանակ չկորցնի: Եվ համաձայն դրա` նախագահի կողմից այս օրենքը հետ վերադարձնելուց հետո ԱԺ նախագահը 5 օրվա ընթացքում կստորագրի այս օրենքը, և այն ուժի մեջ կմտցնեն:

Իսկ ինչ վերաբերվում է նախագահի չստորագրելուն, ապա դա ոչինչ չի նշանակում: Պարզապես Արմեն Սարգսյանը իրեն դիտարկում է, ոչ թե Փաշինյանի թիմակից, այլ «չեզոք կամակատար», որպեսզի հետագայում, երբ պատասխանատվության կանչվեն իմքայլականներն Արմեն Սարգսյանը կարողանա խուսափել այդ պատասխանատվությունից:

Մարդը միաժամանակ ՀՀ նախագահի պաշտոնն է զբաղեցնում և խուսափում է որևէ պատասխանատվությունից, դրանից ավելի լավ առաքելություն Արմեն Սարգսյանն իր համար չեր կարող երազել:

Սա է իրականությունը:

Արտակ Հակոբյան