Արթուր Վանեցյանը վարակվել է կորոնավիրուսով. նա ինքնամեկուսացել է

Երեկ մենք լուր էինք գրել,որ «Հայրենիք» կուսակցության նախագահԱրթուր Վանեցյանը մի քանի օր է՝ ինքնամեկուսացել է իր տանը, քանի որ կասկածներ է ունեցել,որ կորոնավիրուսով վարակված անձանց հետ է շփվել: Շաբաթ-կիրակի նաեւ թեթեւ ջերմել է:

Վանեցյանը Hraparak.am-ին փոխանցել էր, որ թեստ է հանձնել, պատասխանը ստանալուն պես կհայտնի այդ մասին:

Քիչ առաջ Hraparak.am-ը  տեղեկացավ,որ թեստի պատասխանը դրական է եղել, ընտանիքի մնացած անդամներն էլ են թեստ հանձնել,բայց բոլորի դեպքում պատասխանը եկել է բացասական՝ թերեւս այն հանգամանքով պայմանավորված,որ Վանեցյանը ժամանակին ինքնամեկուսացել է։ 

Ավելի վաղ գրել էինք, որ Գագիկ Ծառուկյանն ու Արծվիկ Մինասյանը նույնպես վարակվել էին կորոնավիրուսով: 

Zham.am