Իշխանությունները նախատեսում են սեպտեմբերին վավերացնել նաև Ստամբուլյան կոնվենցիան
«Իրավունք» թերթը գրում է. «Վերջին շրջանում Հայաստանում քննարկվող ամենաակտուալ հարցերից է «Կանանց նկատմամբ բռնության եւ ընտանեկան բռնության կանխարգելման ու դրա դեմ պայքարի մասին Եվրոպայի խորհրդի կոնվենցիան», որն առավել հաճախ կոչվում է պարզապես Ստամբուլյան կոնվենցիա՝ այն քաղաքի անունով, որտեղ այդ փաստաթուղթը ստորագրվել է 2011 թվականին: Ինչ խոսք, Ստամբուլյան կոնվենցիան շատերի զարմանքը, որոշների հիացմունքը, իսկ ահա շատ-շատերի էլ զայրույթն առաջացրեց: Այս ամենին հաջորդեց նաեւ Հայկական արժեքների պաշտպանության «Կամք» հասարակական նախաձեռնությամբ Ստամբուլյան կոնվենցիայի դեմ իրականացվող ստորագրահավաքը, որն էլ իր հերթին մի քանի տասնյակ հազարի ստորագրություն հավաքեց: Տեւական ժամանակ է, ինչ այս մասին խոսակցությունները լռեցին:
Համավարակը կարծես շատերի բերանը փակեց, սակայն արի ու տես, որ որոշներն էլ երկրում տիրող արտակարգ դրության պայմաններից փորձում են օգտվել: Մեր աղբյուրը հայտնում է, որ սեպտեմբերի վերջին իշխանությունները նախաձեռնել են վավերացնել Ստամբուլյան կոնվենցիան: Մեր աղբյուրը նշում է, որ արտակարգ դրության ռեժիմի երկարաձգումը մինչեւ դեկտեմբեր այնպիսի հարցերի պատասխաններ նաեւ լուծումներ կտա, որոնք օրվա իշխանությունների հանգիստ քունը խաթարել են»։
Մանրամասները՝ թերթի այսօրվա համարում։
Հետևեք մեզ Facebook-ում