Գագիկ Ջհանգիրյանը եւ Կարեն Անդրեասյանը կարող են լինել ՍԴ դատավորի թեկնածուներ. Պահանջներին բավարարում են. ԱԺ պատգամավոր. Տեսանյութ

ՍԴ դատավոր թեկնածու լինելու համար մի քանի պահանջներ կան, օրինակ տարիքային ցենզ կա. կարծում եմ՝ Գագիկ Ջհանգիրյանը 40-ն անց է, ունի բարձրագույն կրթություն, բնականաբար ինքը համապատասխանում է այդ պահանջներին, այլ խնդիր է, որ կառավարությունը կամ ՀՀ նախագահը կամ Դատավորների ընդհանուր ժողովը կառաջադրեն նրան, թե ոչ: Այս մասին այսօր՝ հունիսի 30-ին, ԱԺ-ում լրագրողների հետ զրույցում նշեց ԱԺ «Իմ քայլը» խմբակցության պատգամավոր Նիկոլայ Բաղդասարյանը՝ անդրադառնալով դիտարկմանը, որ ՍԴ դատավորի թեկնածուների շարքում շրջանառվում է Գագիկ Ջհանգիրյանի եւ ՄԻ նախկին պաշտպան Կարեն Անդրեասյանի անունները:

«Ես կարծում եմ, որ ՀՀ-ում կան հնարավոր թեկնածուներ, որոնք ունեն այդ գիտելիքները, որոնց կարող են առաջադրել որպես ՍԴ դատավորի թեկնածու: Շատ նորմալ է, որ որոշ դատավորների լիազորությունները դադարում են, նորերը նշանակվում են:

Կարեն Անդրեասյանն էլ կարող է թեկնածու լինել, որովհետեւ ներկայացված պահանջներին բավարարում է՝ տարիքային ցենզ, աշխատանքային փորձ, իրավաբանական կրթություն եւ այլն»:

Մանրամասները՝ NEWS.am-ի տեսանյութում