Ըստ Իլհամ Ալիևի` Նիկոլ Փաշինյանը կառավարվում է Հայաստանից դուրս շրջանակների կողմից

Իլհամ Ալիևի վերջին ելույթը իրոք որ նշանակալից էր նրանով, որ պաշտոնական Բաքուն աստիճանաբար սկսում է բացել իր «խաղաքարտերը»:

Ի պատասխան Փաշինյանի այն դիտարկման, որ եթե պաշտոնական Բաքուն իր հետ փոխըմբռման չգա, ապա ինքը՝ Փաշինյանը  երկխոսություն կառաջարկի Ադրբեջանի ժողովուրդին`  զուգահեռաբար ակնարկելով, թե նաև կներկայացվեն, թե որտեղ են պահվում Ալիևի, և նրա շրջապատի կողմից թալանված փողերը, այսօր Ադրբեջանի նախագահն չուշացրեց իր պատասխանը Փաշինյանին : Նախ նա «շնորհակալություն» հայտնեց Փաշինյանի, նրա Հայաստանի 1998-ից 2018-ի ժամանակահատվածի գնահատականների վերաբերյալ, իսկ հետո պարզ հայտարարեց, որ բոլորն գիտեն, թե 2018-ի «հեղափոխությանը» Փաշինյանին դրսից ով և ինչ փողերով  է աջակցել:

Ընդ որում, Իլհամ Ալիևը այս միտքն նշում է կարծես ինչ -որ մի դրվագ չհրապարակելով, հավանաբար ակնարկելով Փաշինյանին, որ ինքն էլ գիտի որոշակի փաստեր, որ կարող է հայտնել Հայաստանի ժողովուրդին, որից Փաշինյանն հաստատ շատ ծանր վիճակի մեջ կարող է հայտնվել:

Պարզ է, որ Փաշինյանի բնորոշմամբ «կոնստրուկտիվ» Ալիևը ակնարկում է, որ ինքն էլ թաքնված «խաղաթղթեր» ունի Փաշինյանի դեմ, որ կարող է  հրապարակել, բայց չի անում ինչ- ինչ պատճառներով:

Ադրբեջանցի վերլուծաբանների կարծիքով Ալիևի խոսքերը նվիրված Փաշինյանին պետք է դիտարկել որպես նախազգուշացում, որպեսզի նա էլ իր հերթին չսպառնա Ալիևին` Ադրբեջանի ժողովուրդի հետ «երկխոսություն» սկսելով:

Ի՞նչ ավարտ կունենա  Փաշինյանի և Ալիևի այս մեղմ ասաց ոչ բարիդրացիական «բանավեճը», դժվար է կանխագուշակել: Չի բացառվում, որ հարաբերությունները սրվեն, և  հայ և ադրբեջանցի ժողովուրդները լրացուցիչ «տեղեկություններ» ստանան իրենց ղեկավարների  մասին: Իսկ ինչ կհետևի դրանից հետո դժվար է կանխագուշակել:

Սա է իրականությունը:

Արտակ Հակոբյան