Փաշինյանն հաստատեց որ 1998-2018-ին Հայաստանը կառավարել են գողերը, հանցագործներն ու ավազակապետը. Իլհամ Ալիև

Ադրբեջանի նախագահի այս ելույթը իսկապես տպավորիչ էր նրանով, որ նա փաստացի նշեց, որ այն ինչ այս վերջին 20 տարիներին  նշում  էր ադրբեջանական քարոզչամեքենան այսօր հաստատում է  Նիկոլ Փաշինյանը: Այն է, որ 1998-ից մինչև 2018 թվականները, Հայաստանի համար խայտառակության ժամանակահատված է եղել, իսկ Հայաստանի ղեկավարներն եղել են գողեր, թալանչիներ և հանցագործներ:

Ալիևը նշեց, որ արդեն Փաշինյանն ու իր թիմն են հաստատում, որ Հայաստանի գեներալները շարքային թալանչիներ են եղել, իսկ նրանց հերոսները`  հանցագործներ: «Ինչպե՞ս  կարելի է անվանել այն երկիրն, որտեղ 20 տարի կառավարել են հանցագործները». նշում է Ալիևն և դրա պատասխանն է հնչեցնում, որ այս ամենը ցույց է տալիս, որ 20 տարվա ադրբեջանական քարոզչամեքենայի աշխատանքը իզուր չի անցել:

Ըստ էության, Ալիևը ճիշտ է այն իմաստով, որ եթե ներկայիս Հայաստանի ղեկավարն նույն գնահատականն է տալիս ինչ  նաև ադրբեջանական քարոզչամեքենան, նշանակում է, որ ալիևյան Ադրբեջանի  քարոզչական դաշտում վեճն փաշինյանական Հայաստանի հետ ավարտվել է հայերի ջախջախիչ պարտությամբ:

Ինչպես հայտնի է, գաղափարական պարտությունից հետո գալիս է նաև քաղաքական, տնտեսական, հոգեբանական և վերջում ռազմական պարտությույնը: Այդ պատճառով մենք 1920-ին առանց մեկ կրակոցի Կարսը զիջեցինք  թշնամուն:

Այսօր, ի շնորհիվ Փաշինյանի, Հայաստանը կանգնած է նոր, ավելի վտանգավոր պարտության առջև, որից հետո այլևս փոփոխել ոչինչ  հնարավոր չի լինելու:

Ինչպես ստացվեց, որ Հայաստաննն հայտնվեց այս վիճակին, երբ Նիկոլ Փաշինյանի և Իլհամ Ալիևի գնահատականներն գրեթե իրարից չեն տարբերվում, արդեն պարզ է երկրի գիտակից զանգվածի ճնշող մեծամասնության համար: Մնում է, որ հանրության մնացած մասը հասկանա, որ անդունդը ընկնելուց հետո այլևս ոչ մի բան հետ վերադարձնել չի հաջողվի:

Սա է իրականությունը:

Արտակ Հակոբյան