Մի քիչ առաջ մի փոքրիկ տակառիկ էր գլորվում գործընկերներիս ուղղությամբ, թե բա սուտ եք ասում. Խուդոյանը՝ ԼՀԿ պատգամավորի հայտարարության մասին

Մենք իրավունքով ենք հետաքրքրված, ոչ քաղաքականությամբ, քանի դեռ քաղաքականությունն ինքը չի սկսում հետաքրքրվել դատական պրոցեսներով: Իսկ իրավական տիրույթում ոնց որ թե բացի սահմանադրական արդարադատությանը արդեն առկա ակնհայտ միջամտությունից մի նոր քաղաքական ուժ արդեն սկսում է քրեական արդարադատությանը միջամտել։ Այս մասին ֆեյսբուքյան իր էջում գրել է ՀՀ երկրորդ նախագահ Ռոբերտ Քոչարյանի պաշտպանկան խմբի անդամ Հովհաննես Խուդոյանը՝ արձագանքելով «Լուսավոր Հայաստան» խմբակցության պատգամավորների հայտարարություններին։

«Մի քիչ առաջ մի փոքրիկ տակառիկ էր գլորվում գործընկերներիս ուղղությամբ, թե բա սուտ եք ասում: Բայց տեղ չի հասնի:

Մի քանի բանից են խոսել գործընկերներս` ոչինչ չթաքցնելով ու ոչինչ չքողարկելով

-հրաժարվում են ՍԴ ներկայացված դիմումից, որպեսզի ոչ մի քաղաքական շահարկում չլինի դիմումի հետ կապված ու դիմումի առկայությունը սահմանադրական ինստիտուտների կազմաքանդման պատրվակ չհանդիսանա

-թե դիմումի արդյունքում ՍԴ-ն ինչ որոշում է կայացնելու, փաստաբանները չէ, որ պիտի կանխորոշեն, կարող են անել բացառապես մի բան՝ դիմումը հետ վերցնել

-մնացյալը արդեն կոնկրետ քրեական գործի հետ չկապված պրոցեսներ են, ու ամեն մեկն /հաստատ ոչ դիմումատուն ու իր ներկայացուցիչները/ արդեն իր պատասխանատվության բաժինն ունի

Մենք իրավունքով ենք հետաքրքրված, ոչ քաղաքականությամբ, քանի դեռ քաղաքականությունը ինքը չի սկսում հետաքրքրվել դատական պրոցեսներով:

Իսկ իրավական տիրույթում ոնց որ թե բացի սահմանադրական արդարադատությանը արդեն առկա ակնհայտ միջամտությունից մի նոր քաղաքական ուժ արդեն սկսում է քրեական արդարադատությանը միջամտել /ընդհանուր իրավասության դատարանի դիմումը պիտի քննվի, թե ոչ/»,- գրել է Խուդոյանը։