Կոսովոյի ղեկավարին մեղադրել են հարյուր սպանության ու ռազմական հանցագործությունների համար
Կոսովոյի ղեկավար Հաշիմ Թաչին մեղադրել են ռազմական հանցագործությունների, ինչպես նաև՝ մարդկության դեմ հանցագործությունների, շուրջ հարյուր սպանության, բազմաթիվ կտտանքների, առևանգումների ու հետապնդումների համար: Այս մասին հատարարել են Հաագայի դատարանում, որտեղ քննվում են Կոսովոյում տեղի ունեցած ռազմական հանցագործությունները, գրում է Deutsche Welle-ն:
Մեղադրանքներ են առաջադրվել նաև նախկին 9 գրոհայինի: Նշվում է, որ նրա ղեկավարման ամբողջ ժամանակահատվածում տուժել են հանրապետության հարյուրավոր քաղաքացիներ, այդ թվում նաև՝ քաղաքական ընդդիմադիրներ:
Հատուկ դատարանը Հաագայում ստեղծվել է 2016 թվականին՝ Կոսովոյի ազատագրության բանակի նախկին անդամներին պատասխանատվության ենթարկելու նպատակով: Դատարանը քննում է հանցագործությունները սերբերի, գնչուների, ալբանացիների նկատմամբ, որոնք կիրառվել են 1998-2000 թվականներին:
Հաշիմ Թաչը Կոսովոյի ազատագրության բանակի հիմնադիրն է, որը պայքարում էր Սերբիայի անկախության համար:
Zham.am