Ինչո՞ւ պետք է 1 մլն դոլարանոց տուն ունեցողը վճարի ավելի շատ, քան 10 հատ 100 հազար դոլարանոց ունեցողը. Աղազարյան. Տեսանյութ

Այս նախագծի մեջ ավելի շատ թվաբանություն կա, քան քաղաքականություն. Չկա սոցիալական քաղաքականության էլեմենտ, կամ կա, բայց քիչ է, չկա սոցիալական արդարության էլեմենտ: Այս մասին այսօր՝ հունիսի 24-ին,. ԱԺ-ում իր ելույթում նշեց «Իմ քայլը» խմբակցության պատգամավոր Հովիկ Աղազարյանը՝ անդրադառնալով գույքահարկի բարձրացման վերաբերյալ օրինագծին:

«Օրինակ, կարելի կլինի արդյոք 1 տոկոսանոց շեմը, որը նախատեսված է որպես վերին եզր, դարձնել 2 տոկոս, բայց ոչ 100 մլն արժողությամբ գույքի նկատմամբ, այլ ասենք, 200 մլն եւ ավելի: Եթե մեր քաղաքացիներից ոմանք ունեն 1 մլն դոլարանոց գույք, վաստակել են արդար քրտինքով, բայց եթե հնարավորություն ունեն այդպիսի գույք ունենալ, ուրեմն պետք է նաեւ հնարավորություն ունենան շատ վճարել:

Եթե մի քաղաքացին ունի 1 մլն դոլարանոց առանձնատուն, մեկ ուրիշն ունի 10 հատ 100 հազար դոլարանոց բնակարան, ինչու պետք է մեկ մլն դոլարանոց տուն ունեցողը պետք է վճարի ավելի շատ գույքահարկ, քան այն քաղաքացին, որն ունի 10 հատ 100 հազարանոց բնակարան»,-ասաց նա: