Եթե արդյունքում ՀՀ-ում սահմանադրական կարգը տապալվի, գիտենք՝ ով այն տապալեց, և ով դրան օժանդակեց իր կլասիկ աճպարարությամբ

«Ազգային օրակարգ» կուսակցության ղեկավար Ավետիք Չալաբյանը ֆեյսբուքյան իր էջում գրառում է կատարել՝ անդրադառնալով անդրադառնալով Լուսավոր Հայաստան խմբակցության ղեկավար Էդմոն Մարուքյանի հայտարարությանն առ այն, որ չեն միանա «Բարգավաճ Հայաստան»-ին Սահմանադրական դատարան դիմելու հարցում:

«Կլասիկ քաղաքական գործիչ Էդմոն Մարուքյանը հերթական անգամ ձև գտավ գնալ երրորդ ճանապարհով՝ խոստացավ դիմել ՍԴ, բայց ուշ»,- նշել է Չալաբյանը՝ հավելելով, որ վերջինս հույս ուներ, որ այդ ընթացքում գործող իշխանությունը հասցնի կազմաքանդել Սահմանադրական դատարանը, կամ էլ ԲՀԿ-ի հետ ինքը մի հերթական ստորակետի շուրջ չէր համաձայնվի, ու պատասխանատվությունը գցեր նրա վրա։

«Էդմոնը Մարուքյանը հերթական անգամ քաղաքական ճկունության մաստեր-կլասս ցույց տվեց, բայց եթե այս ամենի արդյունքում մեր երկրում սահմանադրական կարգը տապալվի, մենք գիտենք, թե ով այն տապալեց, և ով դրան օժանդակեց իր կլասսիկ աճպարարությամբ»,- նշել է նա։