Ինչու՞ է անհրաժեշտ Փաշինյանին Իոննիսյանի այս քաղաքական կապիկությունը

Ոչ անհայտ սորոսական Դանիել Իոննիսյանը հետևյալ  ֆեյսբուքյան գրարմամբ է հանդես եկել,-«...Այսօր (քիչ առաջ) աշխատասենյակից դուրս գալուց մոռացա հագնեմ դիմակս և այդպես, առանց դիմակի, հասա կայանատեղիում գտնվող մեքենայիս:

Թեև այդ ընթացքում որևէ մեկի հետ չեմ շփվել (առավելևս` մոտիկից), սակայն դա կարգի խախտում է և ես վաղը կդիմեմ Ոստիկանության Մաշտոցի բաժին, որ ինձ տուգանեն:

Օրենքը բոլորի համար է: Օրենքի առաջ բոլորը հավասար են: Սովորաբար քաղաքացիներին այսպիսի ոչ էական խախտումների համար չեն տուգանում, բայց եթե ես այլոցից պահանջում եմ հետևել կանոններին, ապա իմ նկատմամբ օրենքը պիտի առավել խիստ լինի»:

Պարոն Իոննիսյանը հաստատ այս գրառումով հումոր չէր արել:

Նա պարզապես «պողոսների» համար ուզում է ցույց տալ իր սկզբունքայնությունը, թե բոլորը պիտի «հավասար լինեն օրենքի առջև»:

Սա կոչվում է քաղաքական կապիկություն, ընդ որում ժամանակն է, որ այս կապիկների թատրոնի մասին ուղիղ խոսվի: Քանզի սրանք իրենց այս քայլերով հույս ունեն հանրության մի ինչ- որ  հատվածի վրա  կրկին տպավորություն թողնել:

Այն, որ սրանք կորոնավիրուսի դեմ պայքարը տապալել են և այս հումանիտար աղետի համար պատասխան են տալու անհերքելի է:

Բայց, որպեսզի հանրության  գոնե մի մասին փորձեն հիմարացնել, առավոտից երեկո խոսում են վարակի դեմ պայքարի մասին, որպեսզի հետագայում արդարանան, թե այս հումանիտար աղետի մեղավորը ոչ այնքան իրենք են եղել, որքան «ժողովուրդի հետամնաց բարքերը»:

Այն, որ այդ «բարքերը» թույլ տվեցին «փողոցայիններին» զավթել երկրի իշխանությունը դրա մասին ոչ մի բան: Այ, երբ պարզվում է, որ «փողոցայինները» բացի դատարկաբանությունից այլ բանի ունակ չեն, այ այստեղ արդեն պետք է հիշել  «ժողովուրդի բարքերը»: Թարսի պես կորոնավիրուսի հարցում «ռոբասերժական» ռեժիմին հնարավոր չէ մեղադրել, Բիլ Գեյտսին և «չիպավորմանը» քավության նոխազ դարձնելը մաքսիմալ կատարվեց իշխանության կողմից հովանավորվող ծածուկ գործող որոշ մարդկանց  կողմից:

Սակայն, Գեյտսին շարքային «պողոսը» չի ճանաչում, իսկ ահա, եթե նրան համոզեն, որ աղետի մեղավորը իր «վատ բարքերի տեր» հարևանն է, այ դա կարող է աշխատել:

Ահա, թե ինչու է պետք, որպեսզի Փաշինյանն ու իր նախարարները փողոցում մարդկանց դիմակներ բաժանեն, իսկ Դանիել Իոսնիսյանն էլ նման գրառումով հանդես գա:

Սա է իրականությունը:

Դավիթ Մկրտչյան