Հայաստանն այսօրվա տարածվածության կորոնացուցանիշներով հետ է մնացել հայտնի երկրներց միայն ԱՄՆ-ից` գրավելով ոչ պատվավոր 13-րդ տեղը

Եվ այսպես այսօրվա տվյալներով կորոնավարակի տարածվածության տեսանկյունից Հայաստանը սրընթաց հետընթաց  է արձանագրում: Այսօր մեկ մլն-ի հաշվարկով Հայաստանում վարակվածության ցուցանիշը կազմում է՝ 6948: Այս ցուցանիշով Հայաստանն առաջ է անցել ոչ միայն տարածաշրջանի բոլոր երկներին, ոչ միայն այլ ԱՊՀ և Արևելյան Եվրոպայի երկրներին, այլև Արևմտյան բոլոր երկրներին: Հայաստանն միայն հետ է դեռ ԱՄՆ-ի ՝ 7121 ցուցանիշից:

Իսկ ընդանուր առմամբ մենք գտնվում ենք ոչ պատվավոր 13-րդ տեղում: Մեզնից դեռ առաջ են  Քաթարը, Սան-Մարինյոն, Վատիկանը, Բահրեյնը, Չիլին, Անդորան, Քուվեյթը, Պերուն Սինգապուրը, ֆրանսիական Գվինեան, Մայոտտան և ԱՄՆ-ն:

Այսպիսով կարող ենք արձանագրել, որ այսօրվա դրությամբ Հայաստանն իսկական համաշխարհային ռեկորդ է սահմանել վարակի տարածման ցուցանիշներով:

Թե որն է այս իրավիճակի պատճառն, արդեն շատ է խոսվել: Պարզապես այսօր կարող ենք նշել, որ նման ցուցանիշներ արձանագրած իշխանությունն այլևս բարոյական իրավունք չի կարող ունենալ շարունակել կառավարել երկիրը:

Նման ցուցանիշները ցույց են տալիս, որ այստեղ շատ մեծ է սուբյեկտիվ գործոնը, որը կապված է ոչ միայն իշխանության ոչ էֆեկտիվ գործնեության հետ, այլև նրա, որ այս իշխանությունը  հումանիտար աղետի պարագան հաշվի չառնելով միտումնավոր գնաց հանրության պառակտմանը, որն էլ վճռական դեր կատարեց այս ողբերգության տարածման համար: Հումանիտար աղետի ժամանակ հանրությանը պառակտելն նույն էր, որ պատերազմ սկսվելու ժամանակ երկրի իշխանությունն պատերազմի հետ զուգահեռ շարունակեր մարդկանց բաժանել սևերի և սպիտակների:

Նման գործելաոճը աննախադեպ է մարդկության պատմության տեսանկյունից:

Տեղին է հիշել, որ 90-ականներին էլ Փաշինյանի քաղաքական «հոգևոր  հայրը»՝ Տեր-Պետրոսյանը, գրեթե նույն ձեռագիրն էր օգտագործում այն ժամանակ էլ մարդկանց բաժանելով դաշնակցականների և հակադաշնակցականների:

Պատերազմի վրա դա չազդեց բացառապես այն պատճառով, որ այն ժամանակվա ղարաբաղյան իշխանություններն ի տարբերությունը Տեր-Պետրոսյանի, Ղարաբաղում հրաժարվեցին մարդկանց բաժանել տարբեր թևերի և, որի արդյունքում էլ մեզ հաջողվեց հաջողության հասնել պատերազմի ընթացքում:

Տեր-Պետրոսյանի տխրահռչակ գիծն այս օրերին  շարունակեց Փաշինյանն և արդյունքները տեսանելի են:

Եվ, եթե այլ ոլորտներում Փաշինյանն հմտորեն իր բոլոր ձախողումների պատճառը պատճառաբանում էր  նախկին իշխանություններով, ապա կորոնավիրուսի տարածման հարցում նախկին իշխանությանը հնարավոր չէ մեղադրել, քանզի ոչ ոք չի հավատա: Ահա թե ինչու չգտնելով ոչ մի այլ տարբերակ, Փաշինյանն իր մեղադրական սլաքները այս անգամ ուղղորդեց   ժողովուրդի վրա:

Հենց դրա պատճառով է, որ նա չափից դուրս շատ է խոսում այս վիրուսի վտանգների մասին, որպեսզի մարդիկ հիշեն իր ջանքերը և համոզվեն, որ իբր վիրուսի տարածման մեջ Փաշինյանը շատ մեղք չունի. ժողովուրդն է մեղավոր:

Սակայն այս խայտառակ ցուցանիշները չեն համոզում այդ հիմնավորումները, քանզի դժվար է մարդկանց համոզել, որ հայերը աշխարհի ամենաանկարգ, հետամնաց և թերզարգացած  ժողովուրդն է և բացառապես դրա պատճառով է, որ այսօր մեր երկիրն ամենաշատն է վարակված:

Սա է իրականությունը:

Արտակ Հակոբյան