Պուտինը չի բացառել, որ կառաջադրվի նոր նախագահական ընտրություններում

«Ես ինձ համար դեռ ոչինչ չեմ որոշել: Չեմ բացառում առաջադրվելու հնարավորությունը, եթե դա սահմանադրությամբ հաստատվի: Տեսնենք, հետագայում պարզ կլինի»,- ասել է ՌԴ նախագահ Վլադիմիր Պուտինը:

 ТАСС գործակալության փոխանցմամբ՝ այս մասին երկրի ղեկավարն ասել է «Ռուսաստան. Կրեմլ. Պուտին» ծրագրի շրջանակում տված հարցազրույցի ժամանակ:

ՌԴ ղեկավարը բոլոր պաշտոնյաներին կոչ է արել հիմա չսկսել իրեն փոխարինող թեկնածու փնտրել, այլ զբաղվել իրենց անմիջական գործով: «Աշխատել է պետք, ոչ թե հաջորդների փնտրել»,- ասել է Պուտինը:

«Անկեղծորեն կասեմ. եթե Սահմանադրությունում համապատասխան փոփոխություն չլինի , երկու տարուց նորմալ աշխատանքի փոխարեն իշխանության շատ մակարդակներում հնարավոր իրավահաջորդների փնտրտուքներ կսկսվեն»,- մեկնաբանել է նախագահը:

Zham.am