Նիկոլ Փաշինյանից պահանջել են Մոսկվայում թեստ հանձնել

Hraparak.am գրում է. ՀՀ կառավարությունը հրապարակեց Նիկոլ Փաշինյանի նամակն ուղղված ՌԴ նախագահին, որտեղ ափսոսանք է հայտնում, որ Հայաստանում կորոնավիրուսի պատճառով ստեղծված իրավիճակի բերումով՝ ՀՀ վարչապետը չի կարողանալու մասնակցել հունիսի 24-ին Մոսկվայում կայանալիք շքերթին։ Մինչդեռ շուրջ երկու շաբաթ առաջ՝ հունիսի 9-ին, Հայաստանի կառավարությունը պաշտոնապես հայտարարել էր, որ Նիկոլ Փաշինյանը մասնակցելու է շքերթին։ Մենք արդեն գրել ենք, որ Մոսկվան հասկացրել է, որ Փաշինյանի ներկայությունը ցանկալի չէ։ Այժմ նոր մանրամասներ են մեզ հայտնի դարձել։

Hraparak.am-ի մերձկրեմլյան աղբյուրների փոխանցմամբ՝ Փաշինյանի այցի չեղարկումը պայմանավորված է ավելի շատ Կրեմլի հարուցած խոչընդոտներով։ Բանն այն է, որ ռուսական կողմը պահանջել է, որ Նիկոլ Փաշինյանը կորոնավիրուսի թեստ հանձնի հենց Մոսկվայի օդանավակայանում, քանի որ կասկածներ են ունեցել՝ կապված նրա վարակման և արագ առողջացման հետ։

Նույն աղբյուրի փոխանցմամբ՝ հայկական կողմն ամեն ինչ արել է ՌԴ-ում թեստ անցկացնելու հեռանկարից Նիկոլ Փաշինյանին ազատելու համար, սակայն չի ստացվել, հետևաբար վերջինս ստիպված է եղել չեղարկել այցը՝ մտավախություններ ունենալով թեստի արդյունքներից։ Մասնավորապես, որ կպարզվի, որ իր օրգանիզմում հակամարմիններ չկան եւ հիվանդության մասին պատմությունը պարզունակ հորինվածք էր։

Մանրամասները՝ Hraparak.am-ում: