Նիկոլ ջան, Աստված կսիրես, հրաժարական չտաս

Ուրեմն առաջ (“Սերժի վախտ”), սոցիալական, տնտեսական, հասարակական ու քաղաքական ոլորտներում ձախողումների հսկայական ցանկ էի հանել, մոտավոր հաշվարկով՝ 30 էջ, ամեն էջի վրա՝ ավելի քան 20 թեմա։ Ամեն օր ուզում էի անդրադառնալ, բայց նոր բան էր լինում, ու միշտ մնում էր հետին պլան։ Ապրիլյան մի գեղեցիկ օր էլ նա վերցրեց-հրաժարական տվեց, ու իմ ողջ աշխատանքը գնաց ջուրը։

Եկավ Նիկոլը, ես էլի մնացի ընդդիմադիր լրագրող (որովհետև իշխանական լրագրող ասածը չեմ հասկանում ընդհանրապես, իմ պարագայում՝ մասնավորապես)։ Արդեն անիմաստ էր նախկինի սխալներին անդրադառնալը, մանավանդ որ նորը սխալներն անում էր իշխանության գալու երրորդ օրից սկսած։

Երկու տարվա մեջ հավաքել եմ էլ ավելի մեծ ցանկ, քան նախկինում։ Թեմաների շրջանակն էլ ընդլայնվել է, սրանց ձեռքը նաև իրավաբանական լրատվության մեջ խորացա ))) ու Սերժի վախտվա 30 էջանոց թեմաների ֆայլը դարձավ 78 էջ, ամեն էջում՝ 20-ից ավելի թեմա։
Ու հիմա ես վախենում եմ, որ իմ դաժան բախտից սա էլ կվերցնի-հրաժարական կտա, ես ստիպված կլինեմ նոր ցանկ կազմել՝ հաջորդ իշխանության համար։

Ի՞նչ եմ ուզում խնդրել, Նիկոլ ջան, Աստված կսիրես, խելքդ գլուխդ հավաքի, թիմիդ խելքն էլ հետը, էդ պետական անտեր մեքենան խոդ տուր, ու գոնե մի քիչ նորմալ աշխատի, թող ես քո իշխանության ձախողումների մասին իմ թեմաներից մի քանի էջ գոնե սպառեմ, ափսոս ա, լավ փաստաթուղթ ա։