Զարմանալի չէ, որ այսքան իրար հակասող ուղերձների տարափի տակ ժողովուրդն արդեն ոչ մեկին չի հավատում
Դիտել նաև
Այսօր առավոտյան Արսեն Թորոսյանը կոչ է արել «կտորից դիմակ չկրել»։ Ասածի իմաստն այն է, որ ավելի լավ է բժշկական դիմակներ կրել, եթե դրանք գնելու հնարավորություն կա, քանի որ դրանք ավելի լավ են պաշտպանում, քան կտորի դիմակները։
Բնականաբար, իր ասածը 1000 տարբեր ձևերով է հասկացվելու։ Ոմանք հասկանալու են իր ասածը ճիշտ, ոմանք՝ կիսատ-պռատ, ոմանք հասկանալու են այսպես. «նախարարը կոչ է արել դիմակ չկրել»։
Նորից վերհիշենք այս դիմակա-տրագիկոմեդիան փուլ առ փուլ... Ինչ էին ասում իշխանությունները դիմակների մասին տարբեր օրերին.
• Դիմակներ պետք չեն, դիմակները նույնիսկ վնաս են։
• Հաստատ բան եմ ասում, դիմակները միայն բժիշկներին են պետք, դրանք էլ հատուկ դիմակներ են, իսկ էս սովորական դիմակները միևնույն է վիրուսից չի պաշտպանում։
• Փակ տարածքներում անպայման պետք է դիմակ կրել, թեկուզ կտորից, թեկուզ ինքնաշեն։ Բաց տարածքներում դիմակի կարիք չկա։
• [Նիկոլը շարունակում է կառավարության նիստերն առանց դիմակ անել]
• Փակ տարածություններում դիմակ պետք է, հաստատ։ Մայիսի 25-ից՝ նաև բաց տարածքներում դիմակ կրելը պարտադիր է լինելու։
• [Արցախում առանց դիմակ Նիկոլը քեֆ է անում 100 հոգով]
• Ըըըը... լավ-լավ, շատ մի կռիվ արեք, բաց տարածքներում պարտադիր չի լինի, բայց մոտը ունենալ պարտադիր է։
• [Նիկոլը հայտարարում է, որ վարակվել է ամբողջ ընտանիքով]
• Դիմակները պարտադիր են, ամեն տեղ, այդ թվում և դրսում։ Դիմակ չկրելու համար մարդկանց տապալում են գետնին ու տուգանում։ Բայց սրճարաններում ու ռեստորաններում կարելի է առանց դիմակ էլ նստել։ Ոչինչ, որ փակ տարածք է։
• Արսեն Թորոսյան. չգիտենք, դիմակներն օգնում են, թե ոչ [կարծեմ, այն «ներողություն խնդրելու» հայտնի լայվի ժամանակ ասաց]
• Արսեն Թորոսյան. «Կոչ եմ անում կտորից դիմակ չկրել, բժշկական դիմակներ կրել»։ Այսօր է ասել։
Զարմանալի չէ, որ այսքան իրար հակասող ուղերձների տարափի տակ ժողովուրդն արդեն ոչ մեկին չի հավատում։
Հետևեք մեզ Facebook-ում